મોહેના સાજી થઇ તો તેના ભાઇને લાગ્યું કોરોનાનું સંક્રમણ

મોહેના સાજી થઇ તો તેના ભાઇને લાગ્યું કોરોનાનું સંક્રમણ

મોહેના કુમારી તેના ભાઇ સાથે

મોહેના કુમારી અને તેની ફૅમિલીએ કોરોનાના જંગને માત આપી તો હવે તેનો ભાઈ દિવ્યરાજ સિંહ રેવા કોરોના પૉઝિટિવ મળી આવ્યો છે. તે મધ્ય પ્રદેશમાં સિરમુર શહેરમાં નેતા છે. પોતાના ભાઈને કોરોના થયો હોવાની માહિતી અને આ બીમારીથી કઈ રીતે છુટકારો મેળવવો એ વિશે મોહેનાએ જણાવ્યું છે. પોતાના ભાઈ સાથેનો ફોટો ઇન્સ્ટાગ્રામ પર શૅર કરીને મોહેનાએ કપ્શૅન આપી હતી કે ‘અમે તો નેગેટિવ નીકળ્યા, પરંતુ તું પૉઝિટિવ નીકળ્યો છે. જોકે દાદુ, આ એટલું પણ ખરાબ નથી જેવું કે સમજવામાં આવે છે. માત્ર તું સમયસર કાઢા લેતો રહેજે. ઘરનું જમવાનું લેજે. સાથે જ ફળ, શાકભાજી અને દાળ પણ સતત જમજે. વિટામિન સીની ટૅબ્લેટ પણ બરાબર લેજે. ઍર-કન્ડિશનથી દૂર રહેજે. ગરમ પાણીના કોગળા કરજે. હળદરવાળું દૂધ લેજે. ઑક્સિમીટર લેજે અને તારો હાર્ટ રેટ ચેક કરતો રહેજે. તને ભરપૂર પ્રેમ મળે અને કાળજી લેજે.’