કેસરી નંદન સિરિયલ યુવા પેઢીને સ્પોર્ટ્સ માટે પ્રેરણા આપશે : મૅરી કૉમ

કેસરી નંદન સિરિયલ યુવા પેઢીને સ્પોર્ટ્સ માટે પ્રેરણા આપશે : મૅરી કૉમ

કેસરી નંદન સિરીયલના પ્રમોશનમાં મેરી કૉમ

‘કેસરી નંદન’ સિરિયલ યુવાઓને સ્પોર્ટ્સ માટે પ્રેરિત કરશે એવું બૉક્સર મૅરી કૉમનું માનવું છે. કલર્સ ચૅનલ પર આ સિરિયલ ૨૦૧૯ની પહેલી જાન્યુઆરીથી શરૂ થવાની છે. આ સિરિયલમાં ચાહત તેવાની કેસરીના પાત્રમાં જોવા મળશે અને તેના પિતા હનુમંત સિંહની ભૂમિકામાં માનવ ગોહિલ દેખાશે. રેસલિંગ પર આધારિત આ શોના શુક્રવારે લૉન્ચિંગ વખતે હાજર મૅરી કૉમે કહ્યું હતું કે ‘મને શોનો કન્સેપ્ટ ખૂબ જ પસંદ પડ્યો છે. મારા મતે દરેક છોકરીએ આ શો જોવો જ રહ્યો. આપણે એવા અનેક શો જોયા છે જેમાં ફૅમિલી સંબંધો અને કપલ્સ વચ્ચેના પ્રેમને દેખાડવામાં આવે છે. પરંતુ પહેલી વાર આવા પ્રકારનો શો બન્યો છે. હું આ શો સાથે પોતાને જોડી શકું છું, કેમ કે બૉક્સિંગમાં હું કરીઅર બનાવું એ નર્ણિયથી મારા પિતા ખુશ નહોતા. હું માનું છું કે યુવા પેઢી માટે આ શો એક સારી પહેલ છે. તેઓ જ્યારે પણ આ શો જોશે એનાથી તેમને ભારતની સ્પોર્ટ્સ વિશે વધુ જાણકારી મળશે. આ શો તેમને સ્પોર્ટ્સમાં આગળ વધવા માટે પ્રેરણા અને પ્રોત્સાહન પણ પૂરાં પાડશે.’