25 August, 2012 10:00 AM IST |
‘સોની’ ટીવી પર અમિતાભ બચ્ચન દ્વારા સંચાલિત ગેમ-શો ‘કૌન બનેગા કરોડપતિ’ની આગામી સીઝન ટૂંક સમયમાં શરૂ થવાની છે ત્યારે દેશનાં અલગ-અલગ શહેરોના સામાન્ય માણસો પણ ‘કેબીસી’માં ભાગ લેવા જેવો અનુભવ કરી શકે એ માટે ‘હૉટ સીટ આપકે શહર’ જેવો કૉન્સેપ્ટ અમલમાં મૂકવામાં આવ્યો છે. આ કૉન્સેપ્ટ અંતર્ગત પ્રમોશનલ વૅન અમદાવાદ, જયપુર, રોહતક, ચંડીગઢ, લખનઉ, વારાણસી, પટના, હાવરા, ભુવનેશ્વર, રાયપુર, નાગપુર અને ભોપાલ જેવાં શહેરોમાં જશે અને ત્યાં બેથી ત્રણ દિવસ રહેશે. આ બેથી ત્રણ દિવસ દરમ્યાન એક નાનકડી ઇવેન્ટનું આયોજન કરવામાં આવશે, જેમાં સિલેક્ટ થયેલા શહેરના સ્પર્ધકો હૉટ-સીટ પર બેસીને અમિતાભ બચ્ચનના રેકૉર્ડેડ વિડિયોના માધ્યમથી ‘કૌન બનેગા કરોડપતિ’માં ભાગ લેવા જેવો અનુભવ લેશે. આ સ્પર્ધાના વિજેતાને આકર્ષક ઇનામો આપવામાં આવશે.