‘બિગ બૉસ’ની છઠ્ઠી સીઝનમાં સ્પર્ધક તરીકે જય ભાનુશાલી ને શાવર અલી?

‘બિગ બૉસ’ની છઠ્ઠી સીઝનમાં સ્પર્ધક તરીકે જય ભાનુશાલી ને શાવર અલી?

કલર્સ ચૅનલના સેલિબ્રિટી રિયલિટી શો ‘બિગ બૉસ’ના પ્રોડ્યુસરોએ હજી આ શોમાં ભાગ લેનારા સ્પર્ધકોની યાદી જાહેર નથી કરી, પણ ચર્ચા છે કે આ શો માટે મૉડલમાંથી ઍક્ટર બનેલા શાવર અલી અને ટીવી-ઍક્ટર જય ભાનુશાલીની પસંદગી કરવામાં આવી છે. આ શો વિશે ચર્ચા હતી કે આ વખતે એમાં માત્ર કપલ્સને જ પસંદ કરવામાં આવશે, પણ આ ચર્ચા ખોટી સાબિત થઈ છે.

તાજેતરમાં શાવર અલી જ્યાં ‘બિગ બૉસ’નો પ્રોમો શૂટ થઈ રહ્યો હતો એ ફિલ્મિસ્તાન સ્ટુડિયોમાં સલમાન ખાન સાથે લંચ લેતો જોવામાં આવ્યો હતો તેમ જ તે અને જય ભાનુશાલી લોખંડવાલા વિસ્તારની એક કૉફીશૉપમાં સાથે જોવા મળ્યા હતા.

જોકે આ મુદ્દે શાવર અલી સાથે વાત કરતાં તેણે આ શો કરતો હોવાનો ઇનકાર કર્યો હતો અને કહ્યું હતું કે આના માટે તેનો સંપર્ક કરવામાં નથી આવ્યો. જય ભાનુશાલીએ આ મુદ્દે સ્પષ્ટતા કરતાં કહ્યું હતું કે હું ‘બિગ બૉસ’ની છઠ્ઠી સીઝનનો સભ્ય નથી.