ખતરોં કે ખિલાડી: કરણ વાહી, નિયા શર્મા અને જાસ્મીન વચ્ચે થશે ફાઈનલ જંગ

ખતરોં કે ખિલાડી: કરણ વાહી, નિયા શર્મા અને જાસ્મીન વચ્ચે થશે ફાઈનલ જંગ

નિયા શર્મા, કરણ વાહી અને જાસ્મીન ભસીન

ટેલિવિઝનનો સૌથી ખતરનાક અને સ્ટન્ટથી ભરેલો રોહિત શેટ્ટીનો શૉ ખતરોં કે ખિલાડી- મેડ ઈન ઈન્ડિયા હવે સમાપ્ત થવાનો છે. કોરોના વાઈરસના લીધે આ શૉ પહેલીવાર મુંબઈમાં શૂટ કરવામાં આવ્યો છે. પાછલા સીઝનના સ્પર્ધકોએ આ સિઝનમાં ભાગ લીધો છે. સાથે એવા પણ સમાચાર આવી રહ્યા છે કે આ વખતે ફિનાલેમાં કરણ વાહી, નિયા શર્મા અને જાસ્મીન ભસીન પહોંચી ગયા છે.

કરણ વાહી, નિયા શર્મા અને જાસ્મીન ભસીન વચ્ચે ખતરોં કે ખિલાડી- મેડ ઈન ઈન્ડિયા ટાઈટલ જીતવાની જંગ ઘણી રસપ્રદ રહેશે. આ શૉ રોહિત શેટ્ટી હોસ્ટ કરી રહ્યા છે.

મળેલી માહિતી અનુસાર ખતરોં કે ખિલાડી શૉની ટીમ અંતિમ કામને શૂટ કરી રહી છે. તેમ જ એવા પણ સમાચાર આવી રહ્યા છે કે કરણ વાહી આ વખતે ફિનાલેને પોતાના નામે કરી શકે છે.

સાથે જ નિયા અને જાસ્મીનએ અંતિમ રાઉન્ડમાં કરણ સાથે જોડાવા માટે સેમીફાઈનલ ટાસ્ક જીત્યો છે. રસપ્રદ વાત એ છે કે રવિવારના એપિસોડમાં જાસ્મિનને દૂર કરવામાં આવી હતી, પરંતુ તેને નો-એલિમિનેશન વીક કહેવામાં આવ્યું હતું, એટલે શૉથી બહાર નીકળવાથી બચી ગઈ.

કરણ વાહી, નિયા શર્મા અને જાસ્મીન ભસીન સિવાય આ સીઝનમાં કરણ પટેલ, ઋત્વિક ધનજાની, ભારતી સિંહ, અલી ગોની, હર્ષ લિમ્બાચિયા, જય ભાનુશાળીએ ભાગ લીધો હતો. ફિલ્મ નિર્માતા ફારાહ ખાને પહેલા બે એપિસોડ માટે રોહિત શેટ્ટીની જગ્યાએ આ શૉને હોસ્ટ કર્યો હતો. મુંબઈમાં શૂટિંગ દરમિયાન અનેક અડચણોનો સામનો કરવો પડ્યો, તેમ છતાં ટીમે ઘણા ડેરિંગ સ્ટન્ટ કરવામાં સફળતા પ્રાપ્ત કરી છે.