21 February, 2020 01:18 PM IST | Mumbai | Chirantana Bhatt
જીગરદાન ગઢવીનાં રોમેન્ટિક નંબર વાલમ પર ભલભલા ડોલી ઉઠે છે. રોમેન્ટિક ગીત જેની ઓળખાણ છે તેવા જીગરદાન ગઢવીની લાઇફમાં પણ રોમાન્સનાં સુર રેલાયા છે. જલ્દી જ આપણને જીગરનું દિલ-જીગર જીતી જનારી કન્યા વિષે સમાચાર મળી શકે છે અને બધું 'ઑફિશ્યલ' થઇ ગયાની જાહેરાત પણ થઇ શકે છે. જુઓ આ પોસ્ટમાં જીગરે લખ્યું છે કે તું સાથે હોય છે ત્યારે બધું કેટલું લાઇવ હોય છે.
તાજેતરમાં જ એક ઇન્ટરવ્યુમાં જીગરે કબુલ્યું છે કે તે તેના લેડી લવને ઑસ્ટ્રેલિયામાં નવરાત્રી પહેલાનાં કોન્સર્ટમાં 2019માં મળ્યો હતો. જો કે આ મિલન વિદેશની ધરતીમાં થયું હોવાથી અત્યારે તો આ બંન્ને પ્રેમીઓ આ અંતરને પ્રેમથી કાપવાનો પ્રયાસ કરતા રહે છે. જીગરે કહ્યા અનુસાર આ સંબંધ નવરાત્રીથી પાંગર્યો છે અને ઑસ્ટ્રેલિયન સિટીઝન એવી આ યુવતી ને મળવા માટે જીગર ગયા વર્ષે દીવાળીમાં ખાસ ઑસ્ટ્રેલિયા પણ ગયો હતો.
તેમની મુલાકાતને ત્રણ મહિના થઇ ગયા છે અને જીગરનું જીગર તેને માટે જ ધબકે છે, પોતાની પ્રેયસીને તે મિસ કરી રહ્યો છે અને બની શકે કે જલ્દી જ તેઓ આ સંબંધને આગળ વધારવાનો નિર્ણય લેશે. જુઓ પોતાના ઇન્સ્ટાગ્રામ પર પ્રેયસીને મિસ કરી રહેલા જીગરે કેવી મજાની પોસ્ટ મુકી છે. જો કે જીગર તેનું દિલ-જીગર કોણે જીતી લીધું છે તે હજી ડિક્લેર કરવામાં સમય લઇ રહ્યો છે.