04 April, 2020 02:05 PM IST | Mumbai Desk
સંજય દત્ત
આજે દેશભરમાં લૉકડાઉન હોવાથી લોકોને ઘરમાં રહેવાની સલાહ સેલિબ્રિટીઝ આપી રહી છે. એવામાં સંજય દત્તે પણ પોતાનો એક વિડિયો ઇન્સ્ટાગ્રામ પર શૅર કર્યો છે. વિડિયોમાં તે વૉક અને જૉગિંગ પણ કરી રહ્યો છે. આ સાથે જ વિડિયોમાં તે કહી રહ્યો છે કે તમે ઘરમાં રહો, એક્સરસાઇઝ કરો. એક્સરસાઇઝ કરવી ખૂબ જરૂરી છે. સાથે જ સરકારની વાત સાંભળો. તમને સૌને વિનંતી કરું છું કે સોશ્યલ ડિસ્ટન્સ જાળવી રાખો. આ વિડિયોને ઇન્સ્ટાગ્રામ પર શૅર કરીને સંજય દત્તે કૅપ્શન આપી હતી કે ‘સ્વસ્થ રહેવું ખૂબ જરૂરી છે એ પણ ખાસ કરીને આવા સમયમાં. બરાબર ભોજન કરો, હેલ્ધી રહો અને કસરત કરતા રહો.’