આપણી પ્રાઇવસી પર ખતરો છે : વિક્રમ ભટ્ટ

આપણી પ્રાઇવસી પર ખતરો છે : વિક્રમ ભટ્ટ

વિક્રમ ભટ્ટ

હૉરર-ડ્રામા ‘હૅક’ બનાવનાર વિક્રમ ભટ્ટનું માનવુ છે કે આપણી પ્રાઇવસી પર જોખમ તોળાઇ રહ્યું છે. હિના ખાનની સાથે આ શોમાં રોહન શાહ અને મોહિત મલ્હોત્રા પણ જોવા મળી રહ્યાં છે. આ ફિલ્મને ઝી સ્ટૂડિયોઝ દ્વારા પ્રેઝેન્ટ કરવામાં આવેલી ‘હૅક’ને સાત ફેર્બુરઆરીએ રિલીઝ કરવામાં આવશે. સોશ્યલ મીડિયા અને ડિજિટલ વર્લ્ડની અંધારી આલમ પર આ ફિલ્મ દ્વારા પ્રકાશ પાડવામાં આવશે. એ વિશે વધુ જણાવતાં વિક્રમ ભટ્ટે કહ્યું હતું કે ‘મેં હૉરર અને પૅરાનોર્મલ વિશે ફિલ્મો બનાવી છે. જોકે આ વખતે મેં એવા વિષય પર પસંદગી ઉતારી છે જે ખરા અર્થમાં ભયાવહ છે અને રોજબરોજનાં જીવનની વાસ્તવિકતાને દેખાડશે. સોશ્યલ મીડિયાનાં સમયમાં કોઈ પણ વ્યક્તિ હૅક થઈ શકે છે. જોકે આ બાબતથી લોકો અજાણ છે. થોડી જ મિનિટોમાં એક હોંશિયાર હૅકર આપણી લાઇફને બરબાદ કરી શકે છે. વિવિધ માધ્યમો દ્વારા આપણે હૅક થઈએ છીએ. વર્તમાન સમયમાં આપણે સૌ કોઈ સજાગ બનીએ એ ખૂબ અગત્યનું છે. આપણી પ્રાઇવસી ખૂબ નાજૂક છે અને એનાં પર જોખમ તોળાઇ રહ્યું છે.’'

આ પણ વાંચો : શાહરુખ તેનાં બેસ્ટ ફ્રેન્ડ કરણ જોહરની ફિલ્મમાં જોવા મળશે?

ફિલ્મ વિશે જણાવતાં વિક્રમ ભટ્ટે કહ્યું હતું કે ‘ટૅક્નોલોજીનું જે હૉરર છે એના પર ‘હૅક’ આધારિત છે. આ શોમાં દર્શાવવામાં આવશે કે ટૅક્નોલોજીનાં પૂરા જ્ઞાન અને નફરતથી ભરેલુ હાર્ટ કોઈને પણ બરબાદ કરવા માટે પૂરતુ છે.’