08 September, 2023 04:36 PM IST | Mumbai | Gujarati Mid-day Correspondent
વિકી કૌશલ
જન્માષ્ટમીના ઉત્સવમાં દહીહંડી વિકી કૌશલને તેના બાળપણમાં લઈ જાય છે. તેની આગામી ફિલ્મ ‘ધ ગ્રેટ ઇન્ડિયન ફૅમિલી’ બાવીસ સપ્ટેમ્બરે રિલીઝ થવાની છે. એ ફિલ્મનું ગીત ‘કન્હૈયા ટ્વિટર પે આજા’ ખૂબ હિટ થઈ રહ્યું છે. મુંબઈમાં ગઈ કાલે આયોજિત દહીહંડીની ઇવેન્ટમાં લોકો આ ગીત પર ખૂબ ઝૂમ્યા હતા. આ ઉત્સવને લઈને વિકીએ કહ્યું કે ‘મુંબઈમાં મારો ઉછેર થયો હોવાથી દહીહંડી મારા માટે એક સેલિબ્રેશન કરતાં પણ વિશેષ છે. એ જોશ, એકતા અને લોકોના અતૂટ સંબંધોને દર્શાવે છે. હું હંમેશાં માનતો આવ્યો છું કે હંડી ફોડવા માટે જે થર લગાવવામાં આવે છે એ એકતાનું શક્તિશાળી પ્રતીક છે. આ તહેવાર ભારતના ઉમળકાને દેખાડે છે. મને અતિશય ખુશી છે કે હું આ ઉત્સાહથી ભરપૂર બાળકો સાથે આ તહેવારને માણવા જોડાયો છું. હું જ્યારે પણ મારા પરિવાર સાથે દહીહંડી સેલિબ્રેશન જોવા જાઉં છું તો એ મને મારા બાળપણની યાદોને તાજી કરી દે છે.’