03 February, 2020 03:01 PM IST | Mumbai
વરુણ ધવન
વરુણ ધવન અનેક ફિલ્મોમાં બિઝી હોવાથી તે રેમો ડિસોઝાની ‘ડાન્સિંગ ડૅડી’માં નહીં જોવા મળે. આ ફિલ્મની સ્ટોરી એક ડાન્સરની ઇમોશનલ જર્ની અને તેની ૧૩ વર્ષની દીકરીએ કઈ રીતે સફળતા મેળવી એને દેખાડશે. પહેલા એવી ચર્ચા હતી કે સલમાન ખાન આ ફિલ્મમાં જોવા મળવાનો છે. જોકે બાદમાં એવુ સાંભળવા મળ્યુ કે વરુણ અને રેમો ફરી એકવાર એક સાથે કામ કરવા માટે તૈયાર છે. આ બન્નેની ‘સ્ટ્રીટ ડાન્સર 3D’ બૉક્સ-ઑફિસ પર ધમાલ મચાવી રહી છે. વરુણ ધવન હાલમાં સારા અલી ખાન સાથે તેનાં ડૅડીની ‘કૂલી નંબર 1’માં બિઝી છે. ત્યાર બાદ તે કરણ જોહરની ‘મિસ્ટર લેલે’નું કામ શરૂ કરશે. આ બન્ને ફિલ્મો બાદ વરુણ પરમવીર ચક્ર વિજેતા અરુણ ખેતરપાલની બાયોપિકમાં જોવા મળશે. આટલી બધી વ્યસ્તતાને કારણે એક વાત તો ચોક્કસ છે કે વરુણ ધવન ‘ડાન્સિંગ ડૅડી’માં હવે જોવા નહીં મળે.