14 November, 2019 09:43 AM IST | Mumbai
હૃતિક રોશન
હૃતિક રોશને તેની વૅનિટી વૅનની એક દિવાલને હજી પણ મૅથ્સના ઇક્વેશનથી ભરીને રાખી છે. પટનાના ગણિતશાસ્ત્રી આનંદ કુમારની બાયોપિક ‘સુપર ૩૦’માં હૃતિક રોશને કામ કર્યું હતું. આ ફિલ્મ માટે હૃતિકે ખૂબ જ મહેનત કરી હતી. આ પાત્રને સારી રીતે સમજવા માટે તેની વૅનિટી વૅનની એક દિવાલને રીડિઝાઇન કરવામાં આવી હતી, જેમાં મૅથ્સના ઇક્વેશનનો સમાવેશ કરવામાં આવ્યો હતો.
આ ડિઝાઇન એવી રીતે કરવામાં આવી છે કે વૅનિટી વૅનમાં અંદર દાખલ થતાની સાથે જ એ ધ્યાન કેન્દ્રિત કરે. આ ફિલ્મ હૃતિકના દિલની ખૂબ જ નજીક છે અને તેના માટે સ્પેશ્યલ હોવાથી તેણે હજી પણ ઇક્વેશનને એમનાં એમ રાખ્યા છે. ‘સુપર ૩૦’ બાદ હૃતિકની ‘વૉર’એ બૉક્સ-ઑફિસ પર ધમાલ મચાવી હતી. જોકે ‘સુપર ૩૦’ માટે તે તેના કમફર્ટ ઝોનમાંથી બહાર આવ્યો હતો અને એના માટે જ આ તેની સ્પેશ્યલ ફિલ્મ છે.