07 July, 2020 08:05 PM IST | Mumbai | Agencies
ઉદિત નારાયણ
ઉદિત નારાયણે બૉલીવુડમાં ૪૦ વર્ષ વિતાવવાની ખુશીમાં પોતાની યુટ્યુબ ચૅનલ લૉન્ચ કરી છે. તેમણે ૧૯૮૦માં ‘ઉન્નીસ બીસ’ દ્વારા પોતાની કરીઅરની શરૂઆત કરી હતી. તેમણે ગાયેલાં અનેક ગીતો આજે પણ યાદગાર છે. એવામાં ડિજિટલ યુગમાં લોકો સાથે કનેક્ટ થવા માટે તેમણે પણ યુટ્યુબ ચૅનલની શરૂઆત કરી છે. આ વિશે ઉદિત નારાયણે કહ્યું હતું કે ‘આ ઇન્ડસ્ટ્રી મારી સાથે ખૂબ ઉદાર રહી છે. એણે મને ઘણુંબધું આપ્યું છે. લોકોના પ્રેમ અને આશીર્વાદથી આજે મેં ઇન્ડસ્ટ્રીમાં ૪૦ વર્ષ સફળતાપૂર્વક પૂરાં કર્યાં છે. મારો એક જ ઉદ્દેશ રહ્યો છે કે હું ભારતીય ફિલ્મો, મ્યુઝિક ઇન્ડસ્ટ્રીમાં અને લોકોનાં દિલોમાં સ્થાન જાળવી શકું.’
દીકરા આદિત્ય નારાયણે આ ચૅનલ શરૂ કરવા જણાવ્યું હતું એ વિશે ઉદિત નારાયણે કહ્યું હતું કે ‘તેણે કહ્યું કે તમે યુટ્યુબ પર સૌથી વધુ જોવામાં આવતા આર્ટિસ્ટ છો. તેણે જ મને ચૅનલ શરૂ કરવા માટેની પ્રેરણા આપી હતી.’