તે પર્ફેક્શનિસ્ટ છે, પણ જ્યાં સુધી તે લગ્નને એકદમ પર્ફેક્ટ નહીં કરે...

કપિલ શર્માના શોમાં આમિર ખાનની નવી રિલેશનશિપ વિશે સલમાન ખાને મજાકમાં કરી આવી કમેન્ટ

કપિલ શર્માના શોમાં પહોંચ્યો સલમાન ખાન

સલમાન ખાનને ઍક્ટિંગ ઉપરાંત કૉમેડી ખૂબ જ પસંદ છે. તે વીક-એન્ડમાં કપિલ શર્માના ‘ધ ગ્રેટ ઇન્ડિયન કપિલ શો’ની ત્રીજી સીઝનના પ્રથમ એપિસોડમાં હાજરી આપશે. હાલમાં આ શોનું ટ્રેલર લૉન્ચ થયું છે, જેમાં તેણે નેટફ્લિક્સ અને આમિર ખાનની મજાક ઉડાવીને બધાને હસાવી દીધા છે.

‘ધ ગ્રેટ ઇન્ડિયન કપિલ શો’ની ત્રીજી સીઝનના પ્રથમ એપિસોડમાં સલમાન પોતાના વન-લાઇનર્સથી દર્શકોને હસાવે છે. આ શોમાં કપિલ શર્માએ જ્યારે સલમાન ખાનને કહ્યું કે આમિર ખાને આ વર્ષે પોતાની નવી ગર્લફ્રેન્ડ ગૌરી સ્પ્રૅટનો વિશ્વ સાથે પરિચય કરાવ્યો. આમિરના અગાઉનાં લગ્નો, નવી રિલેશનશિપ અને સલમાનના સિંગલ સ્ટેટસનો ઉલ્લેખ કરતાં કપિલે સલમાનને કહ્યું, ‘તે રોકાતા નથી, અને તમે કરતા જ નથી.’

સલમાને આ સાંભળીને આમિરની મજાક ઉડાવી અને જવાબ આપ્યો, ‘આમિરની વાત જ કંઈક અલગ છે. તે પર્ફેક્શનિસ્ટ છે, જ્યાં સુધી તે લગ્નને એકદમ પર્ફેક્ટ નહીં કરે...’ સલમાન આ વાક્ય પૂરું કરે એ પહેલાં હસવા લાગ્યો, જેનાથી દર્શકો અને કપિલ પણ હસી પડ્યા.