‘લવ કી અરેન્જ મૅરેજ’માં દેખાશે ​સની સિંહ અને અવનીત કૌર

આ ફિલ્મનું શૂટિંગ ગઈ કાલે મધ્ય પ્રદેશમાં શરૂ કરવામાં આવ્યું છે.

‘લવ કી અરેન્જ મૅરેજ’માં દેખાશે ​સની સિંહ અને અવનીત કૌર

સની સિંહ અને અવનીત કૌર હવે ‘લવ કી અરેન્જ મૅરેજ’માં દેખાવાનાં છે. આ ફૅમિલી-કૉમેડી ફિલ્મને ઇશરાત ખાન ડિરેક્ટ કરશે. આ ફિલ્મનું શૂટિંગ ગઈ કાલે મધ્ય પ્રદેશમાં શરૂ કરવામાં આવ્યું છે. ‘જનહિત મેં જારી’ના રાઇટર રાજ શાંડિલ્યએ આ ફિલ્મ લખી છે. આ વિશે વાત કરતાં સની સિંહે કહ્યું કે ‘મેં આગળ જેટલું પણ કામ કર્યું છે એના કરતાં રાજ શાંડિલ્યની કામ કરવાની સ્ટાઇલ અને કૉમેડીની સ્ટાઇલ એકદમ અલગ છે. એના કારણે જ આ ફિલ્મ કરવા માટે હું આકર્ષાયો છું. આ ખૂબ જ અલગ ઘરેલુ કૉમેડી એન્ટરટેઇનર ફિલ્મ છે. આ ફિલ્મ માટે હું ખૂબ જ ઉત્સાહી છું.’
આ ફિલ્મને વિનોદ ભાનુશાલી, કમલેશ ભાનુશાલી, રાજ શાંડિલ્ય અને વિમલ લાહોટી પ્રોડ્યુસ કરી રહ્યા છે. આ વિશે વાત કરતાં અવનીત કૌરે કહ્યું કે ‘ફૅમિલી કૉમેડીને હું ખૂબ જ એન્જૉય કરું છું અને એમાં કામ કરવા માટે હું ખૂબ જ ઉત્સુક છું. સુપ્રિયા પાઠક મૅમ, અનુ કપૂર સર અને રાજપાલ યાદવ સર સાથે કામ કરવાથી મને ઘણું શીખવા મળશે. તમને લોકોને હસાવવા માટે હું ખૂબ જ આતુર છું.’