મ્યુઝિક વિડિયોને આર્મી મેન અને તેમની પ્રેમિકાને સમર્પિત કર્યો છે સોનુ

મ્યુઝિક વિડિયોને આર્મી મેન અને તેમની પ્રેમિકાને સમર્પિત કર્યો છે સોનુ

સોનુ સૂદ

સોનુ સૂદે પોતાનાં પહેલા મ્યુઝિક વિડિયો ‘પાગલ નહીં હોના’ને આર્મી મેન અને તેમની પ્રેમિકાને સમર્પિત કર્યો છે. આ વિડિયોમાં તેની સાથે સિંગર સુનંદા શર્મા જોવા મળી રહી છે. આ ગીતનો ફર્સ્ટ લુક તાજેતરમાં જ રિલીઝ કરવામાં આવ્યો છે. એ મ્યુઝિક વિડિયો વિશે સોનુ સૂદે કહ્યું હતું કે ‘આ મારો પહેલો મ્યુઝિક વિડિયો છે. મેં જ્યારે એનો કન્સેપ્ટ સાંભળ્યો મેં તરત જ એને હા પાડી દીધી હતી. ‘પાગલ નહીં હોના’ને હું તમામ આર્મી મેન અને તેમની પ્રેમિકાને સમર્પિત કરું છું. એના લિરિક્સ તમારા દિલોને સ્પર્શી જશે અને સુનંદાએ આ ગીતને ખૂબ સુંદરતાથી ગાયું છે.’

આ ટ્રૅક વિશે સુનંદાએ કહ્યું હતું કે ‘મ્યુઝિક વિડિયો ‘પાગલ નહીં હોના’ મારા દિલની ખૂબ નજીક છે. મને પૂરી ખાતરી છે કે એ ગીત લોકોનાં દિલોના તારને સ્પર્શી જશે. ક્રીએટિવ માઇન્ડ્સના લોકો સાથે કામ કરવું હંમેશાંથી સારું લાગે છે. સોનુ સર દેશના હીરો બની ગયા છે. એથી આ ગીત માટે તેઓ યોગ્ય છે. તેમની સાથે કામ કરીને ખુશ છીએ.’