08 May, 2019 08:34 PM IST | મુંબઈ
Image Courtesy : Instagram
સોનમ કપૂર અને આનંદ આહુજા 8મી મેએ પોતાની પહેલી મેરેજ એનિવર્સરી ઉજવી રહ્યા છે. પહેલી એનિવર્સરી પર આ કપલ પર વિશીઝ અને આશીર્વાદનો વરસાદ થઈ રહ્યો છે. આનંદ આહુજા અને સોનમ કપૂરે 8મી મે, 2018ના રોજ પ્રભુતામાં પગલાં પાડ્યા હતા. બંનેના લગ્ન મુંબઈમાં ટ્રેડિશનલ પંજાબી વિધીથી યોજાયા હતા.
આ બંનેની પહેલી એનિવર્સરી પર અનિલ કપૂર, સુનિતા કપૂર, રિહા અને હર્ષવર્ધન કપૂર સહિતના કપૂર ફેમિલીના સભ્યો સોશિયલ મીડિયા પર અનસીન ફોટોઝ શૅર કરીને તેમને વીશ કરી રહ્યા છે. સોનમ કપૂરના પપ્પા અને એક્ટર અનિલ કપૂરે આ કપલનો ફોટો શૅર કરીને લખ્યો,'બંને માટે આ એક ફેન્ટાસ્ટિક વર્ષ રહ્યું છે. અને તમારા જીવનમાં ખુશી આવી રહી છે, સફળતા મળી રહી છે. હેપ્પી એનિવર્સરી આનંદ આહુજા, સોનમ કપૂર. બંનેને ખૂબ પ્રેમ.'
સોનમની મમ્મી સુનિતા કપૂરે પણ સોનમ અને આનંદ આહુજાનો ફોટો શૅર કરીને કેપ્શન આપ્યું કે,'હેપ્પી હેપ્પી એનિવર્સરી. પ્રેમ દિવસો કે મહિનાઓ કે વર્ષોનો નથી હોતો. હંમેશા બંને જોડે રહો. પ્રેમ તમે રોજે એકબીજા પ્રત્યે કેટલી લાગણી રાખો છો તે છે.'
તો સોનમ કપૂરની બહેન રિહાએ આ કપલનો ક્લાસિ ફોટો શૅર કર્યો છે. મોટા ભાગે આ ફોટો એક ડિનર ડેટનો છે. જેમાં રિહાએ લખ્યું છે,'હેપ્પી એનિવર્સરી ફેમિલી !!!! હોટ સોસ કરતા પણ હું તમને બંનેને વધુ પ્રેમ કરું છું.'
તો સોનમના નાના ભાઈ હર્ષવર્ધન કપૂરે કપલનો ફોટો શૅર કરીને લખ્યું,'એક વર્ષ સોનમ કપૂર, આનંદ આહુજા.'
સોનમ કપૂરે પોતે પણ આ મેરેજ એનિવર્સરીએ એક વીડિયો શૅર કર્યો છે, જેમાં તેણે પતિ આનંદ આહુજા માટે એક લવલી મેસેજ આપ્યો છે. આ વીડિયો સાથે સોનમ કપૂરે લખ્યું છે,'વ્હાલા આનંદ આહુજા તું મને જેટલો પ્રેમ કરે છે, તેટલો પ્રેમ કોઈ નથી કરતું. તારી સાથેના સંબંધમાં મને જે વિશ્વાસ અને પૂર્ણ થવાની અનુભૂતિ મળે છે તે અભૂતપૂર્વ છે.'