26 December, 2011 05:49 AM IST |
જોકે હવે બૉલીવુડમાં તેની પર્સનલ લાઇફ વિશે બીજી ચર્ચા શરૂ થઈ છે અને ફિલ્મજગત સાથે સંકળાયેલા તમામ લોકોને એ વાતની ખાતરી છે કે સોનાક્ષી અત્યારે પ્રેમમાં છે. કહેવામાં આવે છે કે સોનાક્ષી તેની સેલિબ્રિટી મૅનેજમેન્ટ કંપનીના માલિક બન્ટી સચદેવ સાથે પ્રેમમાં છે. જોકે બૉલીવુડ સાથે સંકળાયેલા લોકો એ નથી જાણતા કે બન્ને પોતાના સંબંધમાં કેટલાં ગંભીર છે, પણ તેઓ એકબીજાને ડેટ કરી રહ્યાં છે એ તો તેઓ કન્ફર્મ માને છે. તેમને લાગે છે કે એકબીજાને જાણવાની કોશિશ કરી રહ્યાં છે.
બન્ટી સચદેવનો ભૂતકાળ
બન્ટી સચદેવને આ પહેલાં પણ બૉલીવુડની જાણીતી અભિનેત્રીઓ સુસ્મિતા સેન, નેહા ધુપિયા અને દિયા મર્ઝિર સાથે લિન્ક-અપ કરવામાં આવ્યો હતો. કહેવામાં આવી રહ્યું છે કે બન્ટીના લગભગ છ મહિના પહેલાં જ ડિવૉર્સ થયા છે. તેનાં લગ્ન એક હરીફ સેલિબ્રિટી મૅનેજમેન્ટ કંપનીમાં કામ કરતી યુવતી સાથે થયાં હતાં.