28 January, 2022 02:45 PM IST | Mumbai | Gujarati Mid-day Online Correspondent
સ્મૃતિ ઈરાની અને મૌની રોય
હાલમાં અભિનેત્રી મૌની રોય (Mouni Roy Wedding)ની રોયલ વેડિંગ ખુબ ચર્ચામાં છે. બૉલિવૂડ અને ટેલિવિઝન સ્ટારર્સ દ્વારા તેણીને શુભેચ્છા પાઠવવામાં આવી રહી છે. કેન્દ્રીય મંત્રી સ્મૃતિ ઈરાની (Smriti Irani)એ ઈન્સ્ટાગ્રામ પર મૌની રોય (Mouni Roy) અને સૂરજ નામ્બિયારને તેમના લગ્ન માટે અભિનંદન આપતા તસવીરો શેર કરી છે અને એક લાંબો સંદેશ પણ લખ્યો છે. ગોવામાં પરંપરાગત મલયાલી રીતિરિવાજો મુજબ 27 જાન્યુઆરીએ આ કપલે એકબીજા સાથે લગ્ન કર્યા હતા. સ્મૃતિ ઈરાનીની પોસ્ટમાં દુલ્હન તરીકે મૌની દુલ્હામાં સૂરજ ખુબ જ સુંદર લાગી રહ્યાં છે.
તસવીરમાં મૌની સફેદ સિલ્કની પરંપરાગત લાલ અને ગોલ્ડન બોર્ડરવાળી સાડીમાં જોઈ શકાય છે. તેણીએ અદભૂત મંદિર જ્વેલરી સાથે સુંદર સાડીની સ્ટાઇલ કરી હતી અને તે એકદમ મલયાલી કન્યા જેવી દેખાતી હતી. બીજી તરફ સૂરજ સિમ્પલ ગોલ્ડ કુર્તા અને ધોતીમાં હેન્ડસમ લાગતો હતો.
સ્મૃતિએ પોસ્ટમાં લખ્યું કે, મૌની કેવી રીતે 17 વર્ષ પહેલા તેના જીવનમાં આવી હતી. તેમણે પોસ્ટમાં નવવિવાહિત યુગલને સુખ, સમૃદ્ધિ અને સારા સ્વાસ્થ્યની શુભેચ્છા પણ પાઠવી હતી. તેણીએ વધુમાં કહ્યું કે, "આ છોકરી 17 વર્ષ પહેલાં મારા જીવનમાં આવી હતી, તેણીએ દાવો કર્યો હતો કે તે એક શિખાઉ છે, પરંતુ તેણીની બુદ્ધિ એવી હતી કે તેણીએ મિત્ર તરીકે તેની પાસે આવેલા લોકોમાંથી જીવનના પાઠ શીખ્યા અને આનંદ લાવી, પરિવારની જેમ. આજે તે એક નવી સફર શરૂ કરી રહી છે. ભગવાન તેને સુખ, સમૃદ્ધિ અને સારા સ્વાસ્થ્ય સાથે આશીર્વાદ આપે. ભગવાન આશીર્વાદ આપે @nambiar13 લવ યુ @imouniroy."
નોંધનીય છે કે મૌની રોયે દુબઈ સ્થિત બિઝનેસમેન સૂરજ નામ્બિયાર સાથે હિલ્ટન ગોવા રિસોર્ટમાં પરંપરાગત મલયાલી લગ્ન કર્યા હતા. આ દિવસે કપલે બંગાળી શૈલીમાં પણ લગ્ન કર્યા.