11 November, 2019 08:33 PM IST | Mumbai
લતા મંગેશકર
પીઢ ગાયિકા લતા મંગેશનકરને હૉસ્પિટલમાં દાખલ કરવામાં આવ્યા છે. શ્વાસની તકલીફના કારણે તેમને સારવાર માટે દાખલ કરાયા હોવાનો અહેવાલો છે. તેમને બ્રીચ કેન્ડી હૉસ્પિટલમાં લઈ જવામાં આવ્યા હતા. અહેવાલો પ્રમાણે લતા મંગેશકરને ડૉ. ફારોખ ઈ ઉડવાડિયા સારવાર આપી રહ્યા છે. મોડી રાત્રે દોઢ વાગ્યાની આસપાસ તેમને હૉસ્પિટલ લાવવામાં આવ્યા હતા. હાલ તેમની તબિયત સ્થિર છે.
10 નવેમ્બરે જ લતા મંગેશકરે પદ્મિની કોલ્હાપુરેનું ફિલ્મ પાણીપતમાંથી પોસ્ટર શેર કરીને તેને અને આખી ટીમને શુભેચ્છાઓ આપી હતી. ગત 28 સપ્ટેમ્બરે તેઓ 90 વર્ષના થયા હતા ત્યારે બોલીવુડની જાણીતી હસ્તીઓએ તેમને શુભકામનાઓ આપી હતી.