14 December, 2012 03:13 AM IST |
આ લગ્નમાં માત્ર નજીકના મિત્રો અને પરિવારજનોને જ આમંત્રણ આપવામાં આવ્યું છે. આના કારણે સિદ્ધાર્થ રૉય કપૂરની કંપની યુટીવીના કોઈ જ કર્મચારીને આ લગ્નનું ઇન્વિટેશન આપવામાં નથી આવ્યું.
લગ્નનું સ્થળ અત્યંત ગુપ્ત રાખવામાં આવ્યું છે. આ માહિતી મિડિયામાં લીક ન થઈ જાય એ માટે નજીકના મિત્રો અને પરિવારજનોને પણ છેલ્લી ઘડીએ જ લગ્નના સ્થળ વિશે માહિતી આપવાનો નિર્ણય લેવામાં આવ્યો હતો.
આ લગ્ન પરંપરાગત દક્ષિણ ભારતીય સ્ટાઇલથી કરવામાં આવશે.
આ દંપતીનાં મિલન લુથરિયા, એકતા કપૂર અને રાજકુમાર ગુપ્તા જેવાં નજીકનાં મિત્રોને પણ લગ્ન વિશે અત્યાર સુધી કોઈ જ માહિતી નહોતી.
આ રીતે રચાઈ ગઈ વિદ્યા અને સિદ્ધાર્થની લવસ્ટોરી
ડિસેમ્બર ૨૦૧૦ : વિદ્યા જ્યારે સિદ્ધાર્થની કંપનીએ પ્રોડ્યુસ કરેલી ‘નો વન કિલ્ડ જેસિકા’માં કામ કરી રહી હતી ત્યારે તેમની વચ્ચે પ્રેમપ્રકરણ શરૂ થયું હતું. આ ફિલ્મ થિયેટરમાં રિલીઝ થાય એ પહેલાં આ બન્નેના પ્રેમપ્રકરણની માહિતી મિડિયા સુધી પહોંચી ગઈ હતી.
ફેબ્રુઆરી ૨૦૧૧ : વિદ્યા અને સિદ્ધાર્થ તેમની વચ્ચે ચાલી રહેલા પ્રેમપ્રકરણનો ઇનકાર કરી રહ્યાં હતાં, પણ આ સમયગાળામાં તેમને ગોવાના બાગા બીચ પર સાથે સમય ગાળતાં જોવામાં આવ્યાં હતાં.
માર્ચ ૨૦૧૧ : વિદ્યાએ પ્રેમી સિદ્ધાર્થ રૉય કપૂરને ‘એસઆરકે’નું વહાલભર્યું સંબોધન કરવાનું શરૂ કર્યું હતું.
જુલાઈ ૨૦૧૨ : સિદ્ધાર્થે પછી વિદ્યા માટે જુહુ તારા રોડ પર ૧૪ કરોડ રૂપિયાનો સી-ફેસિંગ ફ્લૅટ ખરીદી લીધો હતો. ત્યાર બાદ આ મહિને જ તે વિદ્યાને ટેનિસની વિમ્બલ્ડનની મૅચ માટે લંડન લઈ ગયો હતો.
નવેમ્બર ૨૦૧૨ : વિદ્યા અને સિદ્ધાર્થે સાથે મળીને લગ્ન પછી તેઓ જે ઘરમાં રહેવાનાં છે એની સજાવટ શરૂ કરી દીધી હતી.