16 February, 2025 07:42 AM IST | Mumbai | Gujarati Mid-day Correspondent
ઇમ્તિયાઝ અલી
થોડા સમય પહેલાં રિપોર્ટ આવ્યો હતો કે ડિરેક્ટર ઇમ્તિયાઝ અલી એક પિરિયડ રોમૅન્ટિક ફિલ્મ બનાવવાની યોજના બનાવી રહ્યા છે. આ ફિલ્મ માટે દિલજિત દોસાંઝ, વેદાંગ રૈના અને નસીરુદ્દીન શાહની પસંદગી કરવામાં આવી હોવાની ચર્ચા છે. હવે ખબર પડી છે કે આ ફિલ્મ માટે લીડ ઍક્ટ્રેસ તરીકે શર્વરી વાઘની પસંદગી કરવામાં આવી છે. આ ફિલ્મ સાથે સંકળાયેલી એક વ્યક્તિએ શર્વરીની પસંદગી પાછળનું કારણ જણાવતાં કહ્યું હતું કે ‘ઇમ્તિયાઝ કોઈ પ્રતિભાશાળી અભિનેત્રીની શોધમાં હતા અને તેમને લાગ્યું કે શર્વરી આ ભૂમિકા માટે શ્રેષ્ઠ છે. શર્વરીની ગણતરી બૉલીવુડની ટૅલન્ડેટ ઍક્ટ્રેસમાં થાય છે અને એટલે જ ઇમ્તિયાઝ અલીએ આગામી ફિલ્મ માટે તેની પસંદગી કરી છે. આ પિરિયડ લવ-સ્ટોરીનું શૂટિંગ એપ્રિલમાં શરૂ થશે. આ ફિલ્મમાં શર્વરી એકમાત્ર ઍક્ટ્રેસ છે અને તેની જોડી વેદાંગ રૈના સાથે બનાવવામાં આવશે.’
