09 December, 2011 08:16 AM IST |
શાહરુખની નજીકના લોકો ઘણા સમયથી કહેતા રહ્યા છે કે કિંગ ખાનને કરીના સાથે તેણે કરેલી ફિલ્મ ‘Ra.OnE’ના સમયથી જ મુશ્કેલીઓ હતી. આ પાછળનું કારણ કરીનાએ સલમાન ખાન સાથેની ‘બૉડીગાર્ડ’ને પ્રમોશન માટે વધુ સમય આપ્યો હતો અને શાહરુખની આ મહત્વાકાંક્ષી ફિલ્મના પ્રમોશનમાં તેનું કમિટમેન્ટ ઓછું જોવા મળ્યું હતું. આ ઉપરાંત કિંગ ખાન તેની હવે પછીની યશ ચોપડાના દિગ્દર્શન હેઠળની રોમૅન્ટિક ફિલ્મમાં કૅટરિના સાથે જ કામ કરવાનો છે અને એ કારણે જ તેને હતું કે તેઓ બીજી કોઈ ફિલ્મમાં પણ સાથે કામ કરે. આ કારણે તેનો આગ્રહ કૅટ પ્રત્યે વધારે હતો.
જોકે રોહિત શેટ્ટીએ તેની ‘ગોલમાલ’ સિરીઝની પહેલી ફિલ્મ સિવાય બાકીની બન્નેમાં કરીના સાથે કામ કર્યું છે અને એ ઉપરાંત તેને આ ઍક્શન-ફિલ્મ માટે કરીના વધુ સારી પસંદગી લાગી હતી. ફિલ્મમાં જે લીડ ઍક્ટ્રેસનો રોલ લખવામાં આવ્યો છે એ પણ કરીના માટે જ બનેલો હોય એવું ‘ચેન્નઈ એક્સપ્રેસ’ સાથે સંકળાયેલા લોકોનું માનવું છે. આ કારણે જ હવે અંતે કરીના જ ફિલ્મમાં કામ કરશે.