16 May, 2019 02:16 PM IST | સિંગાપોર
જુઓ બંને એકસરખા જ દેખાય છે ને!
શાહિદ કપૂરના ચાહકો માટે સારા સમાચાર છે. શાહિદનું પહેલું વેક્સ સ્ટેચ્યુ Madame Tussauds મ્યુઝિયમમાં લગાવવામાં આવ્યું છે જેનું અનાવરણ ખુદ શાહિદ કપૂરે કર્યું. સિંગાપોરના વેક્સ મ્યુઝિયમમાં લાગેલું આ સ્ટેચ્યુ શાહિદનું પહેલું વેક્સ સ્ટેચ્યુ છે. શાહિદ કપૂર સાથે આ મોકા પર પત્ની મીરા રાજપૂત પણ હાજર રહી.
શાહિદ કપૂરે પોતાના વેક્સ સ્ટેચ્યુ મામલે સોશિયલ મીડિયા પર પોસ્ટ શેર કરી છે. જેમાં તેણે તસવીર મુકી છે. શાહિદની ઈન્સ્ટા સ્ટોરીમાં પણ એક તસવીર છે જેમાં તે વેક્સ સ્ટેચ્યૂની હેરસ્ટાઈલ જોઈ રહ્યા છે અને કેપ્શનમાં લખ્યું છે બાલ સંભાલ મુન્ના.
શાહિદ કપૂરના કરિઅરની વાત કરીએ તો તેની આગામી ફિલ્મ કબીર સિંહ હશે. દીપ વાંગાના નિર્દેશનમાં બનેલી આ ફિલ્મમાં શાહિદ પ્રેમમાં ડૂબેલા ડૉક્ટરની ભૂમિકામાં જોવા મળશે.