‘તુઝે યાદ ના મેરી આઈ’ને રીક્રીએટ કરશે બી પ્રાક

બી પ્રાકે સોશ્યલ મીડિયા પર આ વિશેની જાહેરાત કરી હતી. ‘કુછ કુછ હોતા હૈ’ની ૨૫મી ઍનિવર્સરી હોવાથી એનું રીક્રીએટ વર્ઝન બનાવવામાં આવી રહ્યું છે.

બી પ્રાક

બી પ્રાક હવે શાહરુખ ખાનની ‘કુછ કુછ હોતા હૈ’ના ગીત ‘તુઝે યાદ ના મેરી આઈ’ને રીક્રીએટ કરશે. બી પ્રાકે સોશ્યલ મીડિયા પર આ વિશેની જાહેરાત કરી હતી. ‘કુછ કુછ હોતા હૈ’ની ૨૫મી ઍનિવર્સરી હોવાથી એનું રીક્રીએટ વર્ઝન બનાવવામાં આવી રહ્યું છે. આ વિશે બી પ્રાકે કૅપ્શન આપી હતી કે ‘જો તમે દિલથી સપનાં જુઓ તો એ પૂરાં થવા માંડે છે. મને એ જણાવતાં ખુશી થાય છે કે મને એકમાત્ર શાહરુખ ખાન સર માટે ગીત ગાવાનું સન્માન મળ્યું છે. કાજોલ અને રાની મુખરજીને આ ગીત ગમશે એવી આશા રાખું છું. આ મૅજિકલ સૉન્ગને મારી સ્ટાઇલમાં ગાવું અને રીક્રીએટ કરવું એ મારું સપનું છે. હું કરણ જોહરનો આભાર માનું છું કે તેમણે મારી વિનંતીને સ્વીકારી અને આ મૅજિકલ સૉન્ગ માટે અમારા પર ભરોસો કર્યો. બેસ્ટ નંબર વન ગીતકાર જાનીએ ખૂબ જ સારું ગીત લખ્યું છે.’