09 April, 2026 06:21 PM IST | Mumbai | Gujarati Mid-day Correspondent
સાન્યા મલ્હોત્રા અને સિતારવાદક રિષબ રિખિરામ શર્માનું બ્રેકઅપ?
સાન્યા મલ્હોત્રા અને સિતારવાદક રિષબ રિખિરામ શર્માની રિલેશનશિપ પર પૂર્ણવિરામ મુકાઈ ગયું હોવાના રિપોર્ટ છે. બન્ને લગભગ એક વર્ષથી વધુ સમયથી સાથે હતાં, પરંતુ થોડા સમય પહેલાં જ તેમણે શાંતિપૂર્ણ રીતે પોતાના રસ્તા અલગ કરવાનો નિર્ણય લીધો હતો. મળતી માહિતી પ્રમાણે સાન્યા અને રિષબે ૨૦૨૫ની શરૂઆતમાં ડેટિંગ શરૂ કર્યું હતું, પરંતુ હવે તેમનું બ્રેકઅપ થઈ ગયું છે. બન્નેએ સોશ્યલ મીડિયા પર એકબીજાને અનફૉલો પણ કરી દીધાં છે. રિષબ હવે કોઈ બીજી વ્યક્તિને ડેટ કરી રહ્યો છે, પરંતુ એ બાબતને ખૂબ જ ખાનગી રાખવામાં આવી રહી છે.
સાન્યા અને રિષબે ક્યારેય તેમના સંબંધને જાહેર રીતે સ્વીકાર્યો નહોતો. બન્ને હંમેશાં પોતાના સંબંધને પ્રાઇવેટ રાખતાં હતાં અને જાહેરમાં સાથે જોવા મળવાનું ટાળતાં હતાં. તેમ છતાં ફોટોગ્રાફર્સે ઘણી વખત બન્નેને એક જ સ્થળ પરથી અલગ-અલગ બહાર આવતાં સ્પૉટ કર્યાં હતાં.
