કભી ઈદ કભી દિવાલીમાં સલમાન સાથે કામ કરવા તલપાપડ છે પૂજા હેગડે

કભી ઈદ કભી દિવાલીમાં સલમાન સાથે કામ કરવા તલપાપડ છે પૂજા હેગડે

સલમાન ખાન અને પૂજા હેગડે

સલમાન ખાનની ‘કભી ઈદ કભી દિવાલી’માં તેની સાથે પૂજા હેગડે જોવા મળશે. સાજિદ નડિયાદવાલા દ્વારા પ્રોડ્યુસ કરવામાં આવી રહેલી આ ફિલ્મમાં સલમાન સાથે કામ કરવા માટે પૂજા ખૂબ જ આતૂર છે. હૃતિક રોશનની ‘મોહેંજો દારો’ દ્વારા બૉલીવુડમાં એન્ટ્રી કરનાર પૂજાએ અક્ષયકુમાર સાથે ‘હાઉસફુલ ૪’માં કામ કર્યું હતું અને હવે તે સલમાન સાથે જોવા મળશે. આ વિશે પૂજાએ ટ્વીટ કર્યું હતું કે ‘૨૦૨૦ની શરૂઆત ખૂબ જ મોટી રીતે થઈ રહી છે. તમારા બધા સાથે આ સમાચારા શૅર કરવા માટે ખૂબ જ રાહ જોઈ રહી હતી. સલમાન ખાન સાથે કામ કરવા માટે હું ખૂબ જ આતુર છું. ફરહાદ-શામજી અને સાજિદ નડિયાદવાલા સાથે ‘કભી ઈદ કભી દિવાલી’માં કામ કરવા માટે ઉત્સાહી છું.’

આ પણ વાંચો : લતા મંગેશકર અને આશા ભોસલેનો બાળપણનો ફોટો શૅર કર્યો બિગ બીએ

આ ફિલ્મમાં સલમાનની પ્રેમિકાના પાત્રમાં પૂજા જોવા મળશે. ૨૦૨૧ની ઈદ પર રિલીઝ થઈ રહેલી આ ફિલ્મ વિશે સાજિદ નડિયાદવાલાનું કહેવું છે કે ‘અમે પૂજા સાથે ‘હાઉસફુલ ૪’માં કામ કર્યું હતું અને એથી જ આ ફિલ્મ માટે તે અમને એકદમ પર્ફેક્ટ લાગી હતી. તેની સ્ક્રીન પ્રેઝન્સ ખૂબ જ સારી છે અને સલમાન સાથે તેની જોડી સારી રહેશે. તેમની જોડી સ્ક્રીન પર એક ફ્રેશનેસ લાવશે. ‘જુડવા’ સલમાનની અને બૉલીવુડની ઈદ પરની પહેલી રિલીઝ હતી. મારી ડિરેક્ટર તરીકેની પહેલી ફિલ્મ ‘કિક’ પણ ઈદ પર રિલીઝ થઈ હતી. આથી આ ફિલ્મ અમારા માટે ખૂબ જ સ્પેશ્યલ છે.’