કરીનાનું ઘણું ધ્યાન રાખે છે સલમાન

કરીનાનું ઘણું ધ્યાન રાખે છે સલમાન

હાલમાં તે કબીર ખાનની ‘બજરંગી ભાઈજાન’ માટે કરીના કપૂર ખાન સાથે દિલ્હીમાં શૂટિંગ કરી રહ્યો છે અને જાણવા મળ્યું છે કે આ ફિલ્મના સેટ પર સલમાનભાઈ કરીનાનું પણ ઘણું ધ્યાન રાખે છે. દર્શકોને સલમાન અને કરીનાની જોડી ગમતી હોવાને કારણે સલમાન પોતે કરીના સાથે કામ કરવા ઘણો ઉત્સાહી હતો અને જેવી તેને ખબર પડી કે ‘બજરંગી ભાઈજાન’માં કરીના તેની સાથે કામ કરવા તૈયાર છે કે તરત જ તેણે કરીનાને ફોન કરીને તેનો આભાર વ્યક્ત કર્યો હતો. આ તો ઠીક પણ બીજી નવેમ્બરે ફિલ્મના સેટ પર શરૂ થયેલા શૂટિંગના પહેલા દિવસે સલમાને કરીનાને સ્વાદિષ્ટ કપકેક પણ ખવડાવી હતી અને ખૂબસૂરત દેખાતી કરીનાની સુંદર ત્વચાનું રહસ્ય પણ પૂછ્યું હતું. આ ફિલ્મ પહેલાં સલમાન-કરીનાની જોડી ‘ક્યોંકિ’, ‘બૉડીગાર્ડ’ જેવી હિટ ફિલ્મો આપી ચૂકી છે.