22 May, 2020 02:33 PM IST | Mumbai Desk | Gujarati Mid-day Online Correspondent
રિતેશ દેશમુખે શૅર કર્યો અજીબ વીડિયો
બોલીવુડ એક્ટ્રેસ રિતેશ દેશમુખ હાલ મુંબઇમાં પોતાના પરિવાર સાથે ક્વૉરંટાઇન છે. દરમિયાન તે સોશિયલ મીડિયા પર સતત એક્ટિવ છે. રિતેશ અમે જેનિલિયા સતત પોચાના ઇન્સ્ટાગ્રામ પર ફની ટિકટૉક વીડિયો શૅર કરતાં રહે છે. આ દરમિયાન તાજેતરમાં જ રિતેશ દેશમુખે ઇન્સ્ટાગ્રામ પર વધુ એક ફની ટિકટૉક વીડિયો શૅર કર્યો છે જે ખૂબ જ અજીબ છે. આ વીડિયોમાં રિતેશ, ટિકટૉકના ખૂબ જ જાણીતાં મ્યૂઝિકને રીક્રિએટ કરે છે.
વીડિયોમાં દેખાય છે કે મ્યૂઝિક શરૂ થતાં જ રિતેશ પગથિયા પર બેસી જાય છે. થોડી વારમાં જ તેનું માથું અલગ થવા લાગે છે અને પગથિયા પરથી નીચે ખસવા લાગે છે. રિતેશના આ વીડિયોને લોકો ફની કહી રહ્યા છે, તે કેટલાકે તેને ટિકટૉક વીડિયો ડિલીટ કરવાની માગ કરી છે. જો કે, રિતેશનો આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.
આમ તો રિતેશ આ પહેલા પણ ઘણાં ટિકટૉક વીડિયો બનાવી ચૂક્યા છે. મોટાભાગના વીડિયોમાં તેમની પત્ની જેનિલિયા તેમની સાથે હોય છે.
ઉલ્લેખનીય છે કે ટિકટૉક એપ હાલ વિવાદોમાં સંકળાયેલી છે. ભારચમાં આ ફરી બૅન કરવાની માગ કરવામાં આવી રહી છે. હકીકતે, ફૈઝલ સિદ્દીકી નામના એક ટિકટૉક યૂઝરનો વીડિયો સોશિયલ મીડિયા પર વાયરલ થયો છે જેમાં તે છોકરીના ચહેરા પર કંઇક ફેંકતો દેખાય છે. ફૈઝલનો આ વીડિયો સામે આવ્યા પછી સોશિયલ મીડિયા પર વિવાદ છેડાયો છે. લોકોએ ફૈઝલ પર ભડાસ કાઢી અને ટિકટૉક બૅન કરવાની માગ કરી છે. આ બધાં પછી ફૈઝલનું અકાઉન્ટ પણ બૅન કરી દેવામાં આવ્યું છે.