21 October, 2019 11:23 AM IST | મુંબઈ
આલિયા ભટ્ટ અને રેખા
રવિવારે થયેલા આઈફા અવૉર્ડસમાં રેખાએ પોતાની હાજરીથી માહોલ બનાવી દીધો. રેખાએ સ્ટેજ પર એવું કાંઈક કહ્યું કે જેના કારણે આલિયા ભટ્ટ શરમાઈ ગઈ. થયું એવું કે રેખા 20 વર્ષના બેસ્ટ એક્ટરની નામની જાહેરાત કરવી આવી. જે રણબીર કપૂરને આપવામાં આવ્યો. રણબીરના નામની જાહેરાત કરતા પહેલા રેખાએ તેના વખાણ કર્યા.
રેખાએ કહ્યું કે તેઓ ખૂબ જ સારા દિકરા છે, ખૂબ જ સારા કલીગ છે, સારા ભાઈ છે અને સારા અભિનેતા છે. સૌથી મોટી વાત તે સારા વ્યક્તિ છે, જે બાદ રેખાએ રણબીરના નામની જાહેરાત કરી. જો કે રણબીર અવૉર્ડ ફંક્શનમાં નહોત આવ્યા એટલે તેનો અવૉર્ડ અનુરાગ બાસુએ લીધો. પરંતુ વાત અહીંથી અટકી નહીં.
અવૉર્ડ ફંક્શનના હોસ્ટ આયુષ્મા ખુરાનાએ રેખાને વિનંતી કરી કે તેઓ આલિયા ભટ્ટની ફિલ્મનો ફેમસ ડાયલૉગ બોલે. જે બાદ આલિયા ભટ્ટને સ્ટેજ પર બોલાવવામાં આવી. પરંતુ રેખા ડાયલૉગ બોલે તે પહેલા તેણે કહ્યું કે, રણબીર વિશે હું એક વાત વધુ કહેવા માંગું છું જે હું ભૂલી ગઈ હતી. પરંતુ હવે આલિયા અહીં છે તો હું ઑફીશિયલી એટલું તો બોલી શકું છું કે 'રણબીર ખૂબ જ સારા લવર છે'. રેખાએ એ લાઈન ત્રણેક વાર રીપિટ કરી. રેખાની વાત સાંભળીને આલિયા શરમાઈ ગઈ અને તેમની પાછળ છુપાઈ ગઈ.