24 November, 2022 02:46 PM IST | Mumbai | Gujarati Mid-day Online Correspondent
રણબીર કપૂર (તસવીર: સૌ-ટ્વિટર)
હાલમાં રણબીર કપૂર(Ranbir Kapoor)પોતાની આગમી ફિલ્મ એનિમલ (Animal)ના શૂટિંગમાં વ્યસ્ત છે. શૂટિંગ દરમિયાનની કેટલીક તસવીર સામે આવી છે. જો કે, અત્યાર સુધી તેમનો લૂક કોઈ જોયો નહોતો. હવે શૂટિંગ દરમિયાનના કેટલાક ફોટો વાયરલ થયા બાદ ફેન્સ માટે આ સરપ્રાઈઝ ખુલી ગયુ છે. `એનિમલ` ફિલ્મમાંથી રણબીરનો લૂક સામે આવ્યો છે, જે ખુબ જ ખતરનાક છે.
`કબીર સિંહ`ના ડિરેક્ટર સંદીપ રેડ્ડી વાંગા ફિલ્મ `એનિમલ` બનાવી રહ્યા છે.આ ફિલ્મમાં રણબીર કપૂર એકદમ અલગ રોલમાં જોવા મળશે. ફિલ્મના સેટ પરથી રણબીરની કેટલીક લેટેસ્ટ તસવીરો વાયરલ થઈ છે.આમાં તે લોહીથી લથપથ જોવા મળે છે. ફોટામાં, અભિનેતાને લાંબા વાળ અને દાઢી રમતા જોઈ શકાય છે. તેના ચહેરા અને શર્ટ પર લોહી છે અને નાક કપાયેલું છે.
સોશિયલ મીડિયા પર રણબીર કપૂરની તસવીરો પ્રકાશિત થઈ રહી છે.લોકો તેના નવા લુકને ક્રૂર અને ઘાતક ગણાવી રહ્યા છે. ઘણા યુઝર્સે ડાયરેક્ટર સંદીપનો વીડિયો પણ શેર કર્યો છે,જેમાં તે કહી રહ્યો હતો કે તે લોકોને બતાવવા માંગે છે કે કેવી હિંસક ફિલ્મ છે.કેટલાક ચાહકો એવા છે જેઓ કહી રહ્યા છે કે રણબીર બોક્સ ઓફિસની ચિંતા કર્યા વગર પોતાના પ્રોજેક્ટ પસંદ કરે છે.
રણબીર કપૂરનો નવો દેખાવ ખરેખર અદ્ભુત અને તીવ્ર છે. તેમનો લૂક જોઈ સ્પષ્ટ લાગે છે કે તે ફરી વાર પોતાના કામ દ્વારા દર્શકોને ઈમ્પ્રેસ કરવા માટે તૈયાર છે. આ ફિલ્મમાં તેમની સાથે `પુષ્પા` ફેમ અભિનેત્રી રશ્મિકા મંદાના જોવા મળશે. અનિલ કપૂર અને બૉબી દેઓલ પણ આ ફિલ્મમાં મહત્વી ભૂમિકામાં જોવા મળશે.