12 August, 2019 10:53 AM IST | મુંબઈ
રણબીર કપૂરે મહેશ ભટ્ટ પાસેથી માંગ્યો દીકરી આલિયાનો હાથ!
રણબીર કપૂર અને આલિયા ભટ્ટના લગ્નની સૌ કોઈ રાહ જોઈ રહ્યા છે. બોલીવુડના ક્યૂટ કપલમાંથી બંને એક છે અને બોલીવુડના ગલિયારાઓમાંથી ખબર આવી રહી છે કે બંને જલ્દી જ લગ્નના બંધનમાં બંધાઈ જશે. અહેવાલો તો એવા પણ મળી રહ્યા છે કે રણબીર કપૂરે આલિયાના પાપા મહેશ ભટ્ટ સાથે વાતચીત કરી છે અને અટકળો લગાવવામાં આવી છે કે જલ્દી જ રણબીર અને આલિયાના લગ્નની કંકોત્રી સૌની સામે આવી શકે છે.
અને ફિલ્મી વેબસાઈટના અનુસાર રણબીરે ન માત્ર મહેશ ભટ્ટ સાથે મુલાકાત કરી છે પરંતુ આલિયાનો લગ્ન માટે હાથ પણ માંગ્યો છે. અહેવાલો અનુસાર રણબીર-મહેશ ભટ્ટની મુલાકાત લગ્ન તરફ આગળ વધારેલું એક કદમ હોઈ શકે છે. એ પણ કહેવામાં આવી રહ્યું છે કે આવતા વર્ષે એટલે કે 2020માં બંને લગ્નના બંધનમાં બંધાઈ શકે છે.
જો કે અનેક વાર બંનેને લગ્નને લઈને અહેવાલો આવી ચુક્યા છે. પરંતુ ભટ્ટ કે કપૂર ખાનદાનમાંથી કોઈને કોઈ તેને ફગાવી દે છે. પહેલા ખબરો હતી રે ઋષિ કપૂરના ભારત પાછા ફરવાની સાથે જ બંને લગ્નના બંધનમાં બંધાઈ જશે. જો કે, બાદમાં રણબીર અને આલિયાએ જ તેનો ઈન્કાર કર્યો હતો. બાદમાં એવું પણ કહેવામાં આવ્યું હતું કે, આલિયએ સબ્યસાચીને લગ્ન માટેના લહેંગાનો પણ ઓર્ડર આપી દીધો છે. જો કે આ અહેવાલોને પણ નકારવામાં આવ્યા હતા.
જણાવી દઈએ કે રણબીર અને આલિયા હાલ પોતાની ફિલ્મ બ્રહ્માસ્ત્રના શૂટિંગમાં વ્યસ્ત છે, જે આવતા વર્ષે ગર્મીઓમાં રિલીઝ થવાની છે. કપલની સેટ પરથી પણ તસવીરો સામે આવતી રહે છે, જે બંને વચ્ચેની કેમેસ્ટ્રી બતાવે છે.
આ પણ જુઓઃ સંઘર્ષથી સફળતા સુધીઃ જાણો 'જયકા યાજ્ઞિક'ની સફરને