27 December, 2023 06:58 AM IST | Mumbai | Gujarati Mid-day Correspondent
રણબીર કપૂર ,સોની રાઝદાન
રણબીર કપૂરે ક્રિસમસ હોવાથી ચાઇલ્ડ વેલ્ફેરને એક લાખ રૂપિયાનું ડોનેશન આપ્યું હતું. રણબીર તેની ફૅમિલી સાથે હાલમાં વેકેશન પર ઊપડી ગયો છે. જોકે આ પહેલાં તેણે પૈસા ડોનેટ કર્યા હતા. આ પૈસા તેણે પત્ની આલિયા ભટ્ટની મમ્મી સોની રાઝદાનના નામે ડોનેટ કર્યા હતા. ક્રિસમસ દરમ્યાન કપૂર ફૅમિલીના ઘરે લંચનો રિવાજ છે. એ દરમ્યાન કપૂર ફૅમિલીની દરેક વ્યક્તિ ભેગી થાય છે. એ પહેલાં આલિયાએ એક નાનકડું ગેટ ટુગેધર રાખ્યું હતું. એ ગેટ ટુગેધરમાં કરણ જોહર અને અયાન મુખરજીએ હાજરી આપી હતી. આ પાર્ટીમાં આલિયાની ફૅમિલી પણ હાજર હતી અને એ દરમ્યાન રણબીરે આ ચૅરિટી કરવાનું નક્કી કર્યું હતું. રણબીરે કરેલી ચૅરિટીનો ફોટો ઇન્સ્ટાગ્રામ પર શૅર કરીને સોની રાઝદાને કૅપ્શન આપી હતી, ‘મારા ડાર્લિંગ સન ઇન લોએ ખૂબ સારી ગિફ્ટ આપી છે.’
