રામ કપૂરના પિતાનું થયું નિધન

અમૂલે પણ શ્રદ્ધાંજલિ આપી હોવાથી તેણે આભાર વ્યક્ત કર્યો છે

રામ કપૂરના પિતાને અમૂલે આપેલી શ્રદ્ધાંજલિ

રામ કપૂરના પિતા અનિલ કપૂરના નિધન બાદ અમૂલે જે પ્રકારે તેમને શ્રદ્ધાંજલિ આપી છે એના પર તેણે આભાર માન્યો છે. રામ કપૂરના પિતા એક ઍડ્વર્ટાઇઝિંગ એજન્સીના સીઈઓ પણ રહી ચૂક્યા છે. તેમણે જ ‘અમૂલઃ ધ ટેસ્ટ ઑફ ઇન્ડિયા’ની ટૅગલાઇન આપી હતી. એ ટૅગલાઇન આજે પણ લોકોમાં ફેમસ છે. ૧૯૯૮માં રામ કપૂરના પિતાએ અમૂલ સાથેની જર્ની શરૂ કરી હતી. તેમનું નિધન સોમવારે થયું હતું. તેમને શ્રદ્ધાંજલિ આપતાં અમૂલે હોર્ડિંગ લગાવ્યું હતું. એ હોર્ડિંગને ઇન્સ્ટાગ્રામ પર શૅર કરીને રામે કૅપ્શન આપી હતી કે ‘અમૂલે જે પ્રકારે મારા પિતાને શ્રદ્ધાંજલિ આપી છે એને જોઈને હું નિઃશબ્દ બની ગયો છું. ડૅડી, તમે ખરા લેજન્ડ છો. તમારી ખૂબ યાદ આવશે. રેસ્ટ ઇન પીસ.’