રામ ચરણની નવી ફિલ્મ ‘ગેમ ચેન્જર’ થઈ લીક, મેકર્સે નોંધાવી 45 પાઇરેટ્સ સામે ફરિયાદ

Ram Charan’s newly released film gets leaked: આ ફિલ્મ રિલીઝ થાય તે પહેલાં, આ ચાંચિયાઓએ સોશિયલ મીડિયા સાઇટ્સ દ્વારા નિર્માતાઓને ધમકી આપી હતી. તેઓએ નિર્માતાઓ પાસેથી પૈસાની પણ માગણી કરી હતા અને જો તેમની માગણીઓ પૂર્ણ ન થાય તો ફિલ્મ લીક કરવાની ધમકી આપી.

ગેમ ચેન્જરમાં રામ ચરણ (તસવીર: મિડ-ડે)

સાઉથની ફિલ્મોનો સુપરસ્ટાર એક્ટર રામ ચરણની તાજેતરમાં રિલીઝ થયેલી ફિલ્મ `ગેમ ચેન્જર` કથિત રીતે અનેક પાઇરેટેડ સાઇટ્સ પર લીક થઈ હોવાનો દાવો મેકર્સ દ્વારા કરવામાં આવ્યો છે. ફિલ્મનું પાઇરેટેડ વર્ઝન ઓનલાઈન સ્ટ્રીમ થઈ રહ્યું છે, અને નિર્માતાઓએ ફિલ્મ લીક કરનારા વ્યક્તિઓ સામે ફરિયાદ પણ નોંધાવી છે. મીડિયા અહેવાલ મુજબ, નિર્માતાઓએ તેમની ફરિયાદમાં દાવો કર્યો છે કે ફિલ્મ ઓનલાઈન લીક કરતા પહેલા આ લોકોએ તેમની પાસેથી પૈસા પડાવવાનો પ્રયાસ કર્યો હતો.

શંકર દ્વારા ડિરેક્ટ, રામ ચરણ અને કિયારા અડવાણી સ્ટારર એક્શન થ્રિલર ફિલ્મ 10 જાન્યુઆરીના રોજ રિલીઝ થઈ હતી. હવે અહેવાલો આવ્યા છે કે ફિલ્મ પાઇરસીનો ભોગ બની હતી. રિલીઝના દિવસે જ તેની કૉપી લીક થઈ ગઈ હતી. તેમણે ફરિયાદ નોંધાવી છે કે ફિલ્મનું વર્ઝન લગભગ 45 વ્યક્તિઓ દ્વારા ઓનલાઈન લીક થયું હતું. નિર્માતા દિલ રાજુએ સાયબર સેલમાં ફરિયાદ નોંધાવી, પુરાવા આપ્યા અને 45 ચાંચિયાઓ સામે ફરિયાદ નોંધાવી. આ ફિલ્મ રિલીઝ થાય તે પહેલાં, આ ચાંચિયાઓએ સોશિયલ મીડિયા સાઇટ્સ દ્વારા નિર્માતાઓને ધમકી આપી હતી. તેઓએ નિર્માતાઓ પાસેથી પૈસાની પણ માગણી કરી હતા અને જો તેમની માગણીઓ પૂર્ણ ન થાય તો ફિલ્મ લીક કરવાની ધમકી આપી હતી. જોકે, જ્યારે નિર્માતાઓએ તેમની માગણીઓ સ્વીકારી નહીં, ત્યારે આ ચાંચિયાઓએ ફિલ્મના પ્લોટ ટ્વિસ્ટને રિલીઝના બે દિવસ પહેલા ઓનલાઈન લીક કરી દીધી.

ફિલ્મે ભારતમાં તેના શરૂઆતના દિવસે 51.25 કરોડ રૂપિયાની કમાણી કરી હતી. આ ફિલ્મ 2019 માં અભિનેતાની છેલ્લી સોલો રિલીઝ `વિનય વિદ્યા રામ` કરતા ઘણી વધારે છે જેણે ફિલ્મે 34 કરોડ રૂપિયાની કમાણી કરી હતી. `ગેમ ચેન્જરેે` તેલુગુમાં 42 કરોડ રૂપિયા, તમિલમાં 2.1 કરોડ રૂપિયા, કન્નડમાં 10 લાખ રૂપિયા અને મલયાલમમાં 3 લાખ રૂપિયાની કમાણી કરી છે. `ગેમ ચેન્જરેે` પ્રભાવશાળી ઓક્યુપન્સી રેટ હાંસલ કર્યો છે, જેમાં સવારના શો માટે 51.32 ટકા, બપોરના શો માટે 39.33 ટકા અને સાંજના શો માટે 50.53 ટકાનો સમાવેશ થાય છે. હિન્દીના 4DX વર્ઝનના બપોરના શોમાં 82% ઓક્યુપન્સી પ્રભાવશાળી હતી.

`ગેમ ચેન્જર` એક સિદ્ધાંતવાદી IAS અધિકારી અને ભ્રષ્ટ રાજકારણી વચ્ચેના તીવ્ર સંઘર્ષ વિશે છે. રામ ચરણ એક ન્યાયી IAS અધિકારી રામ નંદન અને એક સમર્પિત સમાજ સુધારક અપ્પન્ના તરીકે બેવડા અભિનય સાથે ચમકે છે. આ ફિલ્મ દિગ્દર્શક શંકર માટે એક વિજયી પુનરાગમન છે જે એક મનોહર રાજકીય નાટક રજૂ કરે છે. તેમના ભવ્ય દ્રષ્ટિકોણને નિર્માતાઓ દિલ રાજુ અને શિરીષ દ્વારા સમર્થન આપવામાં આવ્યું છે, જેમણે શ્રી વેંકટેશ્વર ક્રિએશન્સ, દિલ રાજુ પ્રોડક્શન્સ અને ઝી સ્ટુડિયોના બેનર હેઠળ ફિલ્મને ભવ્ય સ્તરે સ્થાપિત કરી છે.