અજય દેવગન અને સિદ્ધાર્થ મલ્હોત્રા સાથે જોવા મળશે રકુલ પ્રીતસિંહ?

અજય દેવગન અને સિદ્ધાર્થ મલ્હોત્રા સાથે જોવા મળશે રકુલ પ્રીતસિંહ?

રકુલ પ્રીતસિંહ

ઇન્દ્રકુમારની કૉમેડી ફિલ્મમાં અજય દેવગન અને સિદ્ધાર્થ મલ્હોત્રા સાથે રકુલ પ્રીતસિંહ જોવા મળે એવી શક્યતા છે. રકુલે આ અગાઉ સિદ્ધાર્થ સાથે ‘મરજાવાં’માં અને અજય દેવગન સાથે ‘દે દે પ્યાર દે’માં કામ કર્યું હતું. હવે એવું સાંભળવા મળ્યું છે કે એક જ ફિલ્મમાં આ ત્રણેય જોવા મળશે. આ એક સોશ્યલ કૉમેડી રહેશે. ઇન્દ્રકુમાર આ ફિલ્મ માટે સુંદર અને ગ્રેટ પર્ફોર્મર હોય એવી ઍક્ટ્રેસને શોધી રહ્યા હતા. એથી એવું લાગી રહ્યું છે કે રકુલ જ તેમની પસંદ પર ખરી ઊતરી છે. તેમને આ રોલ માટે રકુલ યોગ્ય લાગી રહી છે. એવી પણ ચર્ચા છે કે આ ફિલ્મમાં ફીમેલ લીડ રોલ માટે અજય દેવગન અને સિદ્ધાર્થે જ રકુલનું નામ સૂચવ્યું હતું. તેમના મુજબ તે પ્રોફેશનલ છે. મલ્ટિસ્ટાર આ ફિલ્મમાં હજી બે યંગ ઍક્ટર્સને પણ લેવામાં આવશે.