યુકે એશિયન ફિલ્મ ફેસ્ટિવલમાં પ્રીમિયર કરવામાં આવશે ‘સના’ને

આ ફેસ્ટિવલ ચાર મેથી શરૂ થઈ રહ્યો છે અને ૧૩ મે સુધી લંડનમાં ચાલશે

યુકે એશિયન ફિલ્મ ફેસ્ટિવલમાં પ્રીમિયર કરવામાં આવશે ‘સના’ને

રાધિકા મદનની ‘સના’ યુકે એશિયન ફિલ્મ ફેસ્ટિવલનું ઉદ્ઘાટન કરવા માટે તૈયાર છે. આ ફિલ્મને નૅશનલ અવૉર્ડ વિનર ડિરેક્ટર સુધાંશુ ​સરિયાએ ડિરેક્ટ કરી છે. આ ​ફિલ્મ ફેસ્ટિવલ ૨૫મી વરસગાંઠ સેલિબ્રેટ કરી રહ્યો છે અને એને આ ફિલ્મ દ્વારા શરૂ કરવામાં આવશે. આ ફેસ્ટિવલ ચાર મેથી શરૂ થઈ રહ્યો છે અને ૧૩ મે સુધી લંડનમાં ચાલશે. આ ફેસ્ટિવલના ઓપનિંગ નાઇટ સ્ક્રીનિંગમાં સુધાંશુ સરિયા અને રાધિકા મદન પણ જોવા મળશે. આ અગાઉ પણ ઘણા ફેસ્ટિવલમાં આ ફિલ્મનું પ્રીમિયર થઈ ચૂક્યું છે. આ વિશે રાધિકાએ કહ્યું કે ‘મારી ‘સના’ મારા માટે ખૂબ જ સ્પેશ્યલ ફિલ્મ છે. આ એક એવી ફિલ્મ છે જે આઘાત વિશે વાત કરે છે. એક એવો આઘાત જેમાંથી ઘણા લોકો પસાર થાય છે, પરંતુ કોઈ એ વિશે વાત નથી કરતું. આ મારા માટે એક ચૅલેન્જિંગ રોલ હતો. મને ખુશી છે કે આ ફિલ્મને દુનિયાભરના લોકો દ્વારા પસંદ કરવામાં આવી છે. હું યુકે ​એશિયન ફિલ્મ ફેસ્ટિવલમાં આ ફિલ્મને લોકો સમજ રજૂ કરવા માટે ખૂબ જ ઉત્સાહી છું.’