30 June, 2019 05:06 PM IST | મુંબઈ
પ્રિયંકાની પિંક સાડીએ જીત્યા લોકોના દિલ
નિક જોનાસના મોટા ભાઈ જો જોનાસના અને સોફી ટર્નરના લગ્નની સૌ કોઈ રાહ જોઈ રહ્યા હતા. શનિવારે સદર્ન ફ્રાંસમાં આવેલા સેરિયંસમાં સોફી અને જો જોનાસે બીજી વાર લગ્ન કર્યા. આ લગ્નની લોકોને રાહ એટલા માટે પણ હતી કારણ કે લોકો જાણવા માંગતા હતા કે પ્રિયંકા લગ્નમાં કેવા લૂકમાં નજર આવશે.
શનિવારે જો અને સોફીના લગ્નથી પ્રિયંકાની જે તસવીરો સામે આવી તેણે લોકોનું દિલ જીતી લીધું. જેઠના લગ્નમાં પ્રિયંકા વેસ્ટર્ન નહીં પરંતુ ઈન્ડિયન લૂકમાં નજર આવી. પ્રિયંકાએ લાઈટ પિંક કલરની સાડી પહેરી હતી જ્યારે નિકે બ્લેક કલરનું શૂટ પહેર્યું હતું.
તમને જણાવી દઈએ કે જો જોનાસ અને સોફી ટર્નરના આ બીજા લગ્ન છે. આ પહેલા તેઓ એક સીક્રેટ લગ્ન કરી ચુક્યા છે. બંનેએ સોશિયલ મીડિયાના માધ્યમથી પોતાના લગ્નની જાણકારી આપી હતી. ત્યાં સુધી કે જોના માતા-પિતાને પણ સોશિયલ મીડિયાના માધ્યમથી જ લગ્નની માહિતી મળી હતી.
આ પહેલા પણ પ્રિયંકા અને નિકના ફોટોસ વાયરલ થયા હતા. જેમાં તે બંને એકબીજામાં ખોવાયેલા નજર આવતા હતા.