કોઈ પણ ધર્મના ભેદભાવ વગર લોકો એકબીજાની મદદ કરી રહ્યા છેઃ ક્રિતી

આખરે આપણે તો છીએ માનવજાત, જે કોઈ પણ ભેદભાવ વગર એકબીજાનાં દર્દને ઓળખે છે. જરૂરતમંદ લોકોને જોઈને ખૂબ દુઃખ થાય છે. આપણે એ વિશે માહિતી ફેલાવીને એ વ્યક્તિને મદદ કરીએ છીએ. 

ક્રિતી સેનન

ક્રિતી સૅનનનું કહેવું છે કે વર્તમાનમાં દેશમાં જે પ્રકારની સ્થિતિ સર્જાઈ છે એને જોતાં કોઈ પણ જાતિ કે ધર્મના ભેદભાવ વગર લોકો એકબીજાના પડખે ઊભા છે. ક્રિતીએ એક વિડિયો શૅર કર્યો છે. આ વિડિયોમાં ક્રિતી કહી રહી છે કે ‘જે વસ્તુ આપણને તોડે છે એ ક્યાંકને ક્યાંક લોકોને પરસ્પર જોડે છે. આજે હું આપણી આસપાસ જોઉં છું તો જાણ થાય છે કે કોઈ પણ પ્રકારનાં જાતિ અને ધર્મના હો, કોઈ પણ પ્રોફેશન હોય, ગરીબ કે ધનવાન હો, કોઈ પણ રાજ્યના હો એનાથી કોઈ ફરક નથી પડતો. જોકે આખરે આપણે તો છીએ માનવજાત, જે કોઈ પણ ભેદભાવ વગર એકબીજાનાં દર્દને ઓળખે છે. જરૂરતમંદ લોકોને જોઈને ખૂબ દુઃખ થાય છે. આપણે એ વિશે માહિતી ફેલાવીને એ વ્યક્તિને મદદ કરીએ છીએ. 
આપણે એકબીજા માટે અજાણ્યા છીએ. આપણે ડોનેટ કરીએ છીએ. દુઃખમાં પીડાતા લોકોને એમાંથી બહાર કાઢવા માટે આપણે પ્રયાસ કરીએ છીએ.’
આ વિડિયોને ઇન્સ્ટાગ્રામ પર શૅર કરીને ક્રિતીએ કૅપ્શન આપી હતી કે ‘હું દરેક વસ્તુમાં આશાનું કિરણ જોવાનો પ્રયાસ કરું છું. અંધકારમાં આશાનું કિરણ જોઉં છું, ખરાબમાં સારી બાબત જોઉં છું. મૈં ઔર મેરી તન્હાઈ અકસર બાતેં કિયા કરતે હૈં, હું એવી વ્યક્તિ છું. આજે મેં મારા વિચારોને શૅર કરવાનું વિચાર્યું હતું. રાતે મારી ‘ડિયર ડાયરી’ બનવા માટે થૅન્ક યુ.’