પાકિસ્તાની ડિઝાઇનર ફરાઝ મનન સાથે પોઝ આપતા લોકોએ કરીના કપૂરને બેશરમ ગદ્દાર કહીં

Pahalgam Terror Attack: ભારત અને પાકિસ્તાન વચ્ચે તણાવ ચરમસીમાએ છે ત્યારે ડિઝાઇનર સાથે સમય વિતાવવા બદલ નેટીઝન્સે તેના પર આકરા પ્રહારો કર્યા હતા. રવિવારે, ફરાઝે તેના ઇન્સ્ટાગ્રામ હેન્ડલ પર કરીના સાથે પોઝ આપતા કેટલાક ફોટા શૅર કર્યા હતા.

કરીના કપૂર અને પાકિસ્તાની ડિઝાઇનર ફરાઝ મનન (તસવીર: સેલેબ્સ ઇન્સ્ટાગ્રામ)

કાશ્મીરના પહલગામમાં થયેલા આતંકવાદી હુમલાના થોડા દિવસો પછી, જેમાં 26 લોકો માર્યા ગયા હતા. આ ઘટનાને લઈને દેશના લોકોમાં ખૂબ જ ગુસ્સો જોવા મળી રહ્યો છે. આ આતંકવાદી હુમલા પાછળ જવાબદાર પાકિસ્તાન સામે ભારત સરકાર દ્વારા ઘણા કડક પગલાં લેવામાં આવ્યા છે. આ સહિત પાકિસ્તાની નાગરિકોને ભારત છોડવાથી લઈને ત્યાંના કલાકારોને પણ બૅન કરવામાં આવ્યા છે. જોકે તાજેતરમાં બૉલિવૂડ અભિનેત્રી કરીના કપૂર દુબઈમાં પાકિસ્તાની ડિઝાઇનર ફરાઝ મનન સાથે પોઝ આપતી જોવા મળી. આ વાતને લઈને કરીના કપૂર ખાનની આકરી ટીકા થઈ રહી છે.

ભારત અને પાકિસ્તાન વચ્ચે તણાવ ચરમસીમાએ છે ત્યારે ડિઝાઇનર સાથે સમય વિતાવવા બદલ નેટીઝન્સે તેના પર આકરા પ્રહારો કર્યા હતા. રવિવારે, ફરાઝે તેના ઇન્સ્ટાગ્રામ હેન્ડલ પર કરીના સાથે પોઝ આપતા કેટલાક ફોટા શૅર કર્યા હતા. "ઓજી સાથે," તેણે અભિનેત્રી સાથે પોઝ આપતા લખ્યું હતું.

ભલે બેબોએ તેના સોશિયલ મીડિયા હેન્ડલ પર ફોટો ફરીથી શૅર કર્યા નથી, પણ કેટલાક નેટીઝન્સને આ વાતની જાણ થતાં તેમણે તેને સોશિયલ મીડિયા પર વાયરલ કરી હતી. સોશિયલ મીડિયા પર કરીનાની હવે ટીકા થઈ રહી છે. યુઝર્સ લખી રહ્યા છે કે "જ્યારે ભારત પાકિસ્તાન સાથે યુદ્ધમાં છે, ત્યારે કરીના કપૂર ખાન દુબઈમાં પાકિસ્તાની ડિઝાઇનર ફરાઝ મનન સાથે ફોટોશૂટ કરવામાં વ્યસ્ત છે. ગયા વર્ષે, કરીનાએ પેલેસ્ટાઇન માટે પોતાનો ટેકો વ્યક્ત કર્યો હતો, પરંતુ હવે તે પોતાના દેશ સાથે ઉભી રહી શકતી નથી. શું ફક્ત સેના જ રાષ્ટ્ર માટે બલિદાન આપવાની જવાબદારી નિભાવે છે? શું બૉલિવૂડ સેલિબ્રિટીઓનું પોતાના દેશ પ્રત્યે કોઈ ફરજ નથી? " એક યુઝરે X પર તસવીર શેર કરતા લખ્યું.

"ગદ્દર. #BoycottBollywood," એક યુઝરે ટિપ્પણી કરી, જ્યારે બીજાએ લખ્યું, "બેશરમ મહિલા." બેબોએ હજુ સુધી ઓનલાઈન પ્રતિક્રિયા પર કોઈ પ્રતિક્રિયા આપી નથી. પહલગામમાં થયેલા આતંકવાદી હુમલા પછી, કરીનાએ ઇન્સ્ટાગ્રામ પર એક નોંધ શૅર કરીને તેની નિંદા કરી હતી, જેમાં લખ્યું હતું, "પીડિતો અને તેમના પરિવારો માટે હૃદયભંગથી આગળ. ગુમાવેલા જીવ માટે પ્રાર્થના #પહલગામ."

અભિનેત્રી રવિવારે સવારે મુંબઈથી બહાર નીકળતી જોવા મળી હતી, અને જ્યારે તે સ્પષ્ટ નથી કે બેબો કોઈ બિઝનેસને કારણે દુબઈમાં ફરાઝને મળી હતી કે નહીં. આગામી સમયમાં કરીના ફિલ્મ `દાયરા`માં જોવા મળશે, જેમાં પૃથ્વીરાજ સુકુમારન સાથે અભિનય કરશે અને રાઝી ફેમ મેઘના ગુલઝાર દ્વારા દિગ્દર્શિત કરવામાં આવશે. ફિલ્મ વિશે હજી સુધી વધુ માહિતી જાહેર કરવામાં આવી નથી, પરંતુ તે આ વર્ષના અંત સુધીમાં અથવા 2026 ની શરૂઆતમાં સિનેમાઘરોમાં આવવાની ધારણા છે.