04 March, 2020 12:12 PM IST | Mumbai
રિશી કપૂર
રિશી કપૂરે ૧૯૯૩માં આવેલી ‘દામિની’ના ડાયલૉગ દ્વારા ન્યાયતંત્ર સામે સવાલ ઉઠાવ્યા છે. દિલ્હીના નિર્ભયા કેસમાં દિલ્હી કોર્ટે ચુકાદામાં ફાંસીની સજા આપી હતી. આરોપીને ગઈ કાલે ફાંસીની સજા આપવામાં આવી હતી, પરંતુ કોર્ટ દ્વારા એને ફરી લંબાવવામાં આવી હતી. મુકેશ સિંહ, પવન ગુપ્તા, વિનય કુમાર શર્મા અને અક્ષયકુમારને ગઈ કાલે સવારે છ વાગ્યે ફાંસી આપવાનું નક્કી કરવામાં આવ્યું હતું. તેમની ફાંસી માટે સતત નવી-નવી તારીખો આપવાથી રિશી કપૂર ગુસ્સે થઈ ગયા હતા. તેમની ‘દામિની’માં પણ રેપની વાત કરવામાં આવી હતી. આ ફિલ્મમાં ન્યાય મળે એ માટે સની દેઓલ કેસ લડતો હોય છે. આ કેસમાં સતત તારીખ મળતાં સની દેઓલ ગુસ્સામાં ‘તારીખ પે તારીખ’વાળો ડાયલૉગ બોલે છે. દિલ્હી કોર્ટે આપેલા ચુકાદા છતાં એમાં સતત વિલંબ થતાં ન્યાયતંત્ર પર ગુસ્સો કાઢતાં રિશી કપૂરે ટ્વીટ કર્યું હતું કે ‘નિર્ભયા કેસ. તારીખ પે તારીખ, તારીખ પે તારીખ, તારીખ પે તારીખ - ‘દામિની’. ખૂબ જ વાહિયાત વાત છે.’