17 January, 2026 02:16 PM IST | Mumbai | Gujarati Mid-day Correspondent
પ્રિયંકા ચોપડા અને નિક જોનસે ઊજવી દીકરી માલતી મારીની ચોથી વર્ષગાંઠ
નિક જોનસ અને પ્રિયંકા ચોપડા હાલમાં તેમની દીકરી માલતી મારી સાથે વેકેશન માણતાં જોવા મળ્યાં હતાં. નિકે આ ફૅમિલી-વેકેશનની સુંદર તસવીરો સોશ્યલ મીડિયામાં શૅર કરી છે. આ વેકેશન દરમ્યાન તેમણે પોતાની દીકરી માલતી મારીની ચોથી વર્ષગાંઠ સેલિબ્રેટ કરી હતી. નિકે આ વેકેશનની તસવીરો સોશ્યલ મીડિયા પર શૅર કરી છે. આ તમામ તસવીરો શૅર કરતાં નિકે કૅપ્શન લખી છે, ‘સ્વર્ગ જેવી આ સુંદર જગ્યાએ પરિવાર સાથે વિતાવેલા પળો માટે હું ખૂબ આભારી છું.’
નિક અને પ્રિયંકાએ ૨૦૧૮માં રાજસ્થાનમાં લગ્ન કર્યાં હતાં. એ પછી સરોગસી દ્વારા ૨૦૨૨ની ૧૫ જાન્યુઆરીએ તેમના ઘરે દીકરી માલતી મારીનો જન્મ થયો હતો અને ગઈ કાલે માલતી મારીની ચોથી વર્ષગાંઠ હતી.
