15 July, 2019 09:46 AM IST | મુંબઈ
નવાઝુદ્દિન સિદ્દિકી (File Photo)
‘બોલે ચુડિયા’માં રૅપ-સૉન્ગ ગાતા નવાઝુદ્દીન સિદ્દીકીએ જણાવ્યું હતું કે તેને સિંગર નથી બનવું. આ ફિલ્મમાં નવાઝુદ્દીન બંગડી વેચતાં-વેચતાં ‘સ્વૅગી ચૂડિયાં’ ગાતા પણ જોવા મળશે. આ ફિલ્મ દ્વારા તેનો ભાઈ શમસ નવાબ સિદ્દીકી ડિરેક્શનમાં એન્ટ્રી કરશે. ફિલ્મમાં ગીત ગાવાના એક્સ્પીરિયન્સ વિશે નવાઝુદ્દીને કહ્યું હતું કે ‘હું કોઈ સિંગર નથી, પરંતુ રૅપ ગાવું એ એક અલગ જ અનુભવ છે. એનું શ્રેય મ્યુઝિક-ડિરેક્ટરને જાય છે. મેં લિરિક્સ શીખ્યા હતા અને ગીતની પ્રૅક્ટિસ પણ કરી હતી. જોકે મ્યુઝિક-ડિરેક્ટરે મારી અંદરથી એ પ્રતિભાને બહાર કાઢવામાં મદદ કરી હતી. હું ભવિષ્યમાં સિંગર નથી બનવા માગતો. આ રૅપ-સૉન્ગની સાથે મારો અવાજ મેળ ખાતો હતો અને આ જ કારણ છે કે તેમણે મારી પાસે ગીત ગવડાવવાનો નિર્ણય લીધો હતો.’
આ પણ વાંચોઃ તમે જોયા હ્રિતિક રોશનના આ કેન્ડિડ ફોટોસ?
તમન્ના ભાટિયા સાથે કામ કરવા માટે હું ઉત્સાહિત છું : નવાઝુદ્દીન
‘બોલે ચૂડિયાં’માંથી મૌની રૉયની હકાલપટ્ટી બાદ તમન્ના ભાટિયાની એન્ટ્રી થતાં નવાઝુદ્દીન સિદ્દીકી તેની સાથે કામ કરવા માટે એક્સાઇટેડ છે. આ ફિલ્મના ફિલ્મમેકર્સ અને મૌનીને વિવાદ થતાં તેને આ ફિલ્મમાંથી પડતી મૂકવામાં આવી હતી. આ વિશે પૂછવામાં આવતાં નવાઝુદ્દીને કહ્યું હતું કે ‘હું ફિલ્મમાં એક કલાકાર તરીકે કામ કરી રહ્યો છું. હું એટલું જરૂર કહીશ કે તમન્ના આ ફિલ્મમાં આવી એ અમારા માટે ખુશીની વાત છે. અભિનેત્રી અને પ્રોડ્યુસર વચ્ચે જે પણ વિવાદ થયો એના વિશે હું કંઈ કહેવા નથી માગતો. જોકે હું તમન્ના સાથે કામ કરવા માટે એક્સાઇટેડ છું.’