06 May, 2020 09:26 PM IST | Mumbai | Gujarati Mid-day Correspondent
મનીષ પૉલ દ્વારા હોસ્ટ થતો ગેમ-શો ‘ક્યા બોલતી પબ્લિક’ ફ્લિપકાર્ટ પર રિલીઝ થઈ ગયો છે. કોઈએ ધાર્યું નહોતું કે ગેમ-શો ડિજિટલ પ્લૅટફૉર્મ પર હિટ થઈ શકે, પણ આ માન્યતા ‘ક્યા બોલતી પબ્લિક’એ તોડી નાખી અને એની પાછળ જો કોઈ જવાબદાર હોય તો એ ફ્લિપકાર્ટ છે. શોમાં સવાલ પૂછવામાં આવે છે, જેના જવાબ દેવાના હોય છે. આ જવાબમાંથી બે સવાલ પર વોટિંગ થાય અને મૅક્સિમમ વોટ મેળવનારા જવાબ આપનારને પ્રાઇઝ મળે.
હકીકતમાં ફ્લિપકાર્ટે આ શોનું દૂર-દૂર સુધી ક્યાંય પ્લાનિંગ નહોતું કર્યું, પણ લૉકડાઉન વચ્ચે શૂટિંગ શક્ય ન બનતાં આ ગેમ-શોનો વિચાર આવ્યો અને ગેમ-શો હિટ થઈ ગયો. ‘ક્યા બોલતી પબ્લિક’ અત્યારે ફ્લિપકાર્ટ પર પહેલા નંબરનો સૌથી વધારે જોવાતો શો છે તો બીજા નંબર પર વરુણ ધવનનો શો ‘એન્ટરટેઇનમેન્ટ નંબર 1’ શો છે.