02 January, 2021 01:24 PM IST | Thiruvananthapuram | Agency
મોહનલાલ
મલયાલમ સુપરસ્ટાર મોહનલાલની ‘દૃશ્યમ 2’ને ઑનલાઇન રિલીઝ કરવામાં આવશે. આ ફિલ્મનું એક ટીઝર રિલીઝ કરવામાં આવ્યું છે જેમાં મોહનલાલનું પાત્ર જ્યૉર્જ કુટ્ટી પોલીસને કહે છે કે આ નવું પોલીસ-સ્ટેશન તેની ફૅમિલીને પ્રોટેક્ટ કરશે. તેનો કહેવાનો મતલબ એ છે કે આ પોલીસ-સ્ટેશનની નીચે જે છે એ હંમેશાં માટે ત્યાં દફન થઈને રહેશે. જોકે એ થોડું મુશ્કેલ લાગે છે. આ ફિલ્મને આ વર્ષે ઍમેઝૉન પ્રાઇમ વિડિયો પર રિલીઝ કરવામાં આવશે. આ સિરીઝની પહેલી ફિલ્મ ‘દૃશ્યમ’ ૨૦૧૩માં રિલીઝ થઈ હતી. ત્યાર બાદ એના પરથી અજય દેવગનની એ જ નામની ફિલ્મ પણ બની હતી. આ વિશે મોહનલાલે કહ્યું હતું કે ‘મારી ‘દૃશ્યમ’ સમય પહેલાંની અદ્ભુત થ્રિલર ફિલ્મ હતી. આ ફિલ્મને દરેક દ્વારા પસંદ કરવામાં આવી હતી. ‘દૃશ્યમ 2’માં જ્યૉર્જ કુટ્ટી અને તેની ફૅમિલીની સ્ટોરી જ્યાં અટકી હતી એનાથી આગળ કરવામાં આવી છે. અમને ખબર છે કે આ ફિલ્મની સીક્વલ માટે દર્શકોએ ખૂબ જ રાહ જોઈ છે. અમારા ડાઇ-હાર્ડ ફૅન માટે અમે તેમની આશા પર ખરા ઊતરીએ એવી આશા રાખીએ છીએ. આ ફિલ્મને તેઓ તેમના ઘરમાં બેઠાં-બેઠાં સેફ્ટી સાથે તેમની ફૅમિલી સાથે જોઈ શકશે.’