30 November, 2016 05:06 AM IST |
સાયલી ધાયલકર
મલઇકા અરોરા ખાન અને અરબાઝ ખાને ગઈ કાલે બાંદરામાં આવેલી ફૅમિલી કોર્ટમાં બીજી વાર હાજરી આપી હતી. તેમણે દિવાળી બાદ ડિવૉર્સ માટે ફૅમિલી કોર્ટમાં અરજી કરી હતી. મલઇકા અને અરબાઝ સવારે ૧૧:૩૦ વાગ્યે તેમના વકીલો ક્રાન્તિ સાઠે અને અમૃતા સાઠેની સાથે જોવા મળ્યાં હતાં. તેઓ કોર્ટમાં વેરિફિકેશન માટે દાખલ થયાં હતાં અને જજ દ્વારા તેમનું કાઉન્સેલિંગ પણ કરવામાં આવ્યું હતું. આ કાઉન્સેલિંગ ખૂબ જ લાંબા સમય સુધી ચાલ્યું હતું, જેમાં મલઇકા અને અરબાઝની સાથે ફક્ત જજ ઉપસ્થિત હતા. ત્યાર બાદ તેઓ બન્ને મૅરેજ-કાઉન્સેલર પાસે ગયાં હતાં. ફૅમિલી કોર્ટના વેકેશન બાદ મલઇકા અને અરબાઝે બન્નેએ સાથે મળીને ડિવૉર્સ માટે અરજી કરી હતી. અરબાઝ અને મલઇકાએ ફૅમિલી કોર્ટના વકીલનો સંપર્ક કર્યો છે અને તેમણે ડિવૉર્સ પેપર પર કામ કરવાનું પણ શરૂ કરી દીધું છે.