07 April, 2017 05:38 AM IST |
આમિરે ગઈ કાલે ટ્વિટર પર એક વિડિયો શૅર કર્યો હતો જે મરાઠી શો ‘તૂફાન આલંયા’નું ટીઝર હતું. આમિરે મહારાષ્ટ્રમાં પાણીના દુકાળને લઈને શરૂ કરેલા કૅમ્પેનને લગતો આ શો તૈયાર કરવામાં આવ્યો છે. આ શોમાં શું હશે એ હજુ સુધી જાહેર કરવામાં નથી આવ્યું. જોકે આમિરે રજૂ કરેલા ટીઝરમાં ત્રણ ટીમ દર્શાવવામાં આવી છે. આ દરેક ટીમમાં મરાઠી ફિલ્મોની સેલિબ્રિટીઝની જોડી જોવા મળી રહી છે. વિદર્ભ યોદ્ધા ટીમમાં ભરત ગણેશપુરે અને અમૃતા દાતે, મરાઠવાડા વીર ટીમમાં ગિરીશ કુલકર્ણી અને પ્રતીક્ષા લોનકર તેમ જ પશ્રિમ મહારાષ્ટ્રચે માવળે ટીમમાં સુનીલ બર્વે અને સઈ તામ્હણકર જોવા મળી રહ્યાં છે.