11 October, 2012 06:30 AM IST |
કરીનાના આ ડાયટ પ્લાન વિશે વાત કરતાં તેની નજીકની એક મિત્ર કહે છે કે ‘કરીનાને તેનાં લગ્ન માટે ફિટ તો થવું છે, પણ સાથે-સાથે તે સલમાન ખાનની ‘દબંગ’ની સીક્વલ માટે આઇટમ-સૉન્ગ કરવાની પણ તૈયારી કરી રહી છે. આ તૈયારીના ભાગરૂપે કરીના અત્યારે સ્પેશ્યલ ડાયટ પર છે જેમાં હાઈ પ્રોટીન, લો કાર્બોહાઇડ્રેટ અને પુષ્કળ ફળોના જૂસનો સમાવેશ થાય છે. આ સિવાય તે ચેન્જ અનુભવાય એ માટે યોગની પણ પ્રૅક્ટિસ કરે છે. તેણે યોગની મહત્વની વસ્તુઓ શીખવા માટે યોગ માસ્ટર પણ રાખ્યા છે. આ યોગ માસ્ટર મૂળ કેરળના છે અને કરીનાને અષ્ટાંગ યોગ શીખવે છે. કરીનાને અષ્ટાંગ યોગ વિશે ખાસ કંઈ ખબર ન હોવાના કારણે તેણે આ માસ્ટરની મદદ લેવાનું નક્કી કર્યું છે.’
આ વિશે વાત કરતાં કરીનાનો પ્રવક્તા કહે છે કે ‘કરીનાને તેના લુક સાથે પ્રયોગો કરવા બહુ ગમે છે એટલે તે તેને સૂટ થાય એવા અલગ-અલગ ફિટનેસ-પ્રોગ્રામ અજમાવતી રહે છે. તે ફરીથી સાઇઝ ઝીરો ફિગર નથી મેળવવા માગતી, પણ હવે તે પોતાની બૉડીને વધારે ટોન કરીને એને ફ્લેક્સિબલ બનાવવા માગે છે.’