01 September, 2012 10:04 AM IST |
કંગનાની આ જીત વિશે વાત કરતાં યુનિટ સાથે સંકળાયેલી એક વ્યક્તિ કહે છે, ‘કંગના આ પહેલાં ક્યારેય કસીનોમાં નહોતી ગઈ. થોડા દિવસ પહેલાં ‘ક્વીન’ના આખા ક્રૂએ કસીનોમાં જવાનું નક્કી કર્યું હતું અને કંગના પણ તેમની સાથે ગઈ હતી. યુનિટમાંથી કોઈએ તેનો પરિચય રૂલે નામની ગેમ સાથે કરાવ્યો. શરૂઆતમાં કંગના રમતાં અચકાતી હતી, પણ પછી તેણે એક પ્રયાસ કરવાનો નિર્ણય લઈ લીધો. એ દિવસે ભાગ્ય કંગના પર મહેરબાન હતું અને એટલે જ તે પહેલાં ક્યારેય રૂલે ન રમી હોવા છતાં ત્રણ લાખ રૂપિયાનો જૅકપૉટ જીતી ગઈ હતી. આટલી મોટી રકમની અણધારી જીતથી કંગના ખુશ તો થઈ, પણ તેણે હવે ક્યારેય જીવનમાં જુગાર ન રમવાનો નિર્ણય લીધો છે.’
આ મુદ્દે વાત કરતાં કંગનાની નજીકની એક વ્યક્તિ કહે છે, ‘કંગનાએ આ વખતે જુગાર રમવાનો નિર્ણય ઉત્સાહમાં લઈ લીધો હતો. મને નથી લાગતું કે તે ભવિષ્યમાં કસીનોની મુલાકાત લેવાનું પસંદ કરે.’