07 October, 2020 08:34 PM IST | Mumbai | Gujarati Mid-day Online Correspondent
કાજલ અગરવાલ
સાઉથની ફિલ્મો અને બૉલીવુડમાં પણ કામ કરનારી કાજલ અગરવાલ ૩૦ ઑક્ટોબરે લગ્ન કરી રહી છે. તે મુંબઈમાં ઑન્ટ્રપ્રનર ગૌતમ કિત્ચ્લુ સાથે લગ્ન કરી રહી છે. આ સમાચાર તેણે ઇન્સ્ટાગ્રામ પર એક નોટ શૅર કરીને આપ્યા હતા. ‘સિંઘમ’ અને ‘સ્પેશ્યલ ૨૬’ જેવી ફિલ્મોમાં કામ કરનાર કાજલે ઇન્સ્ટાગ્રામની નોટમાં લખ્યું હતું, ‘મેં હા પાડી દીધી છે. ૨૦૨૦ની ૩૦ ઑક્ટોબરે હું મુંબઈમાં ગૌતમ કિત્ચ્લુ સાથે લગ્ન કરી રહી છું એ વિશે તમને જણાવતાં ખૂબ ખુશી થાય છે. આ એક પ્રાઇવેટ સેરેમની હશે જેમાં ફક્ત નજીકના લોકોને જ બોલાવવામાં આવશે. આ લૉકડાઉનને કારણે આપણા જીવનની ખુશી જતી રહી હતી, પરંતુ હવે અમારા જીવનની નવી શરૂઆત સાથે કરવાથી હું ખૂબ ઉત્સાહી છું. મને વર્ષોથી પ્રેમ અને સપોર્ટ આપવા બદલ તમારો આભાર, પરંતુ હવે અમને તમારા આશીર્વાદની પણ જરૂર છે, કારણ કે અમે એક નવી શરૂઆત કરવા જઈ રહ્યાં છીએ. મને હંમેશાં જે પસંદ છે એ એટલે કે દર્શકોને એન્ટરટેઇનમેન્ટ કરાવવું એ હું હંમેશાં કરાવતી રહીશ. તમારા સપોર્ટ બદલ આભાર.’