બૉલીવુડમાં પોતાના દમ પર ઊભા થવું સરળ નથી : યામી ગૌતમ

બૉલીવુડમાં પોતાના દમ પર ઊભા થવું સરળ નથી : યામી ગૌતમ

યામી ગૌતમ

યામી ગૌતમનું કહેવું છે કે બૉલીવુડમાં પોતાના પગ પર ઊભા થવું ખૂબ જ મુશ્કેલ છે. ‘વિકી ડોનર’, ‘કાબીલ’ અને ‘બાલા’ જેવી ફિલ્મોમાં યામીના કામના ખૂબ જ વખાણ થયા છે. યામી જાત મહેનતે ઊપર આવી છે અને તેના કરીઅરના ગ્રાફને લઈને તે ખુશ છે. આ વિશે વધુ જણાવતાં યામીએ કહ્યું હતું કે ‘એક ઍક્ટર તરીકે મારો ખૂબ જ વિકાસ થયો છે. મારી ‘વિકી ડોનર’, ‘બદલાપુર’ અને ‘કાબીલ’ બાદ ‘સરકાર’ આવી હતી. આ ફિલ્મ નહોતી ચાલી, પરંતુ અમિતાભ બચ્ચનને કારણે આ ફિલ્મ મારા માટે ખૂબ જ સ્પેશ્યલ છે. ઍક્ટર તરીકે મારો વિકાસ થયો છે, પરંતુ હું સ્ટાર બની ગઈ હોય એવું મને નથી લાગતું. બૉલીવુડમાં આવી પોતાના પગ પર ઊભા થઈ સફળ થવું સહેલું નથી.’